२०७७ चैत ३० सोमबार,

खेलकुदमार्फत पोखरा चिनाउने अभियानमा लक्ष्मी ग्रुप, बन्यो पोखरा थन्डर्सको फ्रेन्चाइजी

Post adv
पोखरा - लक्ष्मी समूहले खेलकुदमार्फत पोखरालाई चिनाउने र प्रवद्र्धन गर्ने प्रतिबद्धताका साथ नेपाल सुपर लिगमा पोखरा थन्डर्समार्फत व्यावसायिक आबद्धता जनाएको छ । यो समूहले पोखरा थन्डर्स नामको क्लबको मताधिकार (फ्रेंचाइजी) लिएर नयाँ खोज र अध्ययन गर्दै पोखरा लगायत देशभर फूटबलको विकास र प्रवद्र्धन गर्ने लक्ष्य लिएको छ । नेपाल सुपर लिग देशको पहिलो फ्रेंचाइजी फुटबल प्रतियोगिता हो । जुन अप्रिल २४ देखि मे ८ सम्म आयोजना हुनेछ । यो प्रतियोगिता एन्फाको प्राविधिक सहयोगमा दशरथ स्टेडियममा राउन्ड रोबिन ढाँचामा खेलिने छ । लक्ष्मी समूह आफ्नो सुरुवातदेखि विभिन्न उद्योग र व्यापारहरुमा अब्बल रहदै आएको छ । आधा शताब्दीको लामो यात्राका साथ अहिले यस समूह अन्तर्गत २० वटा विभिन्न व्यावसायिक क्षेत्रका उद्योग छन् । अटोसँगै निर्माण, कृषि आधारित डेरी उद्योग, व्यापार, अस्पताल लगायतमा यो समूहको लगानी छ । यो समूह अब पोखरा थन्डर्स मार्फत खेलकुद क्षेत्रमा प्रवेश गरेको छ । खेलकुदको विकास र प्रवद्र्धनमा लक्ष्मी समूहको लामो इतिहास छ । समूहले नेपाल सुपर लिगमा लिलामी प्रकियाद्वारा मुख्य कोच तथा अरु सहकर्मी सहित सबल टिमको घोषणासमेत गरेको छ । अनुभवी मुख्य प्रशिक्षक नविन न्यौपानेको मागदर्शनमा उत्कृष्ट खेलाडीहरु नवयुग श्रेष्ठ, अनिल गुरुङ, सुजल श्रेष्ठ तथा तीन विदेशी खेलाडी (क्यामरुन) सहित टिमको घोषणा भएकोछ । नयाँ विचार र अवसरहरू खोजी गर्ने क्रममा लक्ष्मी ग्रुपले पोखरा थन्डर्स मताधिकारबाट (फ्रेन्चाइजी) नयाँ सफलताका कोसेढुङ्गाहरु पार गर्दै नेपाली फुटबलको विकासमा टेवा दिने आशा गरेको विज्ञप्तिमा उल्लेख छ ।

Advertise Eleven Advertise Ten Advertise Nine
Post adv

लोकप्रिय

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

काठमाडौं – कियाको बहुप्रतीक्षित कार किया सोनेट नेपाली बजारका लागि...

कहाँ जान्छन् एक्सचेन्जमा उठाइएका पुराना मोटरसाइकल

कहाँ जान्छन् एक्सचेन्जमा उठाइएका पुराना मोटरसाइकल

नयाँ बाइकको बिक्री बढाउन बिभिन्न आयतकर्ता कम्पनीहरुले प्रायः बाह्रै...

बीएमडब्ल्यु बाइकः १० हजार किलोमिटर अर्थात वर्षमा एकपटक सर्भिसिङ गरे पुग्ने, खर्च समेत निकै कम

बीएमडब्ल्यु बाइकः १० हजार किलोमिटर अर्थात वर्षमा एकपटक सर्भिसिङ गरे पुग्ने, खर्च समेत निकै कम

जर्मन अटो ब्रान्ड बीएमडब्ल्युका बाइक अहिले नेपाली बजारमा लोकप्रिय...