केटिएमको एड्भेन्चर मोटरसाइकलमा एएमटी गियर बक्स जडान हुने

प्राय कारमा मात्रै प्रयोग हुने अटोमेटिक ट्रान्समिसन(एएमटी) अब मोटरसाइकलमा पनि जडान हुने भएको छ । प्रख्यात टु ह्विलर उत्पादक केटिएमले आफ्नो नयाँ एड्भेन्चर मोटरसाइकलमा एएमटी ट्रान्समिसन दिन लागेको हो । कम्पनीले हालै एएमटी ट्रान्समिसन जडित मोटरसाइकल १३९० सुपर एड्भेन्चरको प्रोटोटाइप र टिजर बाहिर ल्याएको छ ।

अष्ट्रियामा हालै देखाइएको टिजर अनुसार यसको प्रोटोटाइपमा परम्परागत मोटरसाइकलमा जस्तै ह्यान्डलबार माउन्टेड सिफ्टर सहितको गियर लिभर, प्याडल र ट्रिगर देखाइएको छ । ह्यान्डलबारमा क्लच लिभर नभएका कारण यसको गियरलाई पैँताला र ह्यान्डलबार मार्फत सञ्चाल गर्न सकिन्छ ।

मोटरसाइकलमा एएमटी गियरवक्स जडान गर्न लागेको केटिएम पहिलो ब्रान्ड भने होइन । यसअघि होन्डाले अफ्रिका ट्विन र गोल्डविंगमा डिसिटी गियर वक्सलाई प्रयोगमा ल्याइसकेको छ ।

यसैगरी, बिएमडब्लुले आफ्नो बाइकमा एएमटी गियरवक्स राख्न यसको पेटेन्ट समेत दर्ता गरिसकेको छ । यी सबै ब्रान्डले आफ्नो उच्च सिसी क्षमताका एड्भेन्चर मोटरसाइकलमा एएमटी गियर वक्स प्रयोग गर्न लागेका हुन् ।