केटीएमको संकट टर्दै, अस्ट्रियामा मोटरसाइकल उत्पादन पुनः सुरु

वित्तीय रुपमा संकटग्रस्त बनेको केटीएमले अष्ट्रियामा मोटरसाइकल उत्पादन पुनः सुरु गरेको छ ।

कम्पनी निरन्तर घाटामा गएपछि केटीएमलाई वित्तीय व्यवस्थापन गर्न हम्मेहम्मे परेको थियो र सोही क्रममा २९ डिसेम्वर २०२४ देखी उसले आफ्नै घरेलु बजारमा उत्पादन बन्द गर्नु परेको थियो । त्यसयता कम्पनीमा कार्यरत धेरै कर्मचारीले जागिर छाडिसकेका छन् ।

केटीएमले ऋणदाताहरूलाई भुक्तानी गर्नुपर्ने ६०० मिलियन युरोको सिमा मे २३, २०२५ सम्म पुगेपछि पुनः उत्पादन सुरु गरेको हो । ६०० मिलियन यूरो भुक्तानी गरेपछि पनि उससंग अझै ठूलो रकम दायित्व बाँकी नै रहनेछ । जसलाई जुटाउन केटीएमले अन्तराष्ट्रिय साझेदारहरुसंग हारगुहार गरिरहेको छ ।

केटीएमका प्रवक्ताले उत्पादन पुनः सुरु भएको पुष्टि गरे पनि उनले कुन मोडलहरू उत्पादन भइरहेका छन् र ती बाइकहरू कहिलेसम्म डिलरशिपमा पुग्नेछन् भन्ने बारेमा टिप्पणी गरेनन् । केटीएममा भारतिय अटो उत्पादक बजाजको पनि ठूलो लगानी रहेको छ ।