केटीएम आरसी ३९० लन्च हुँदै, यस्तो हुनेछ मूल्य र प्रतिस्पर्धा

केटीएमको नयाँ स्पोर्ट्स बाइक आरसी३९० चाँडै नै भारतीय बजारमा लन्च हुने भएको छ । कम्पनीको आधिकारिक वेबसाइटमा यो बाइक लिस्ट गरिएको छ, जसले यो बाइक छिट्टै बजारमा आउने बताइएको छ ।

केटीएम आरसी३९० बाइकमा अन्तर्राष्ट्रिय बजारमा उपलब्ध मोडलमा पाइने सबै नयाँ स्पेसिफिकेशनहरू हुनेछ । यसमा नयाँ ट्रयाक्सन कन्ट्रोल सिस्टम, कर्नरिङ एबीएस, क्विकसिफ्टर, टिएफटी डिस्प्ले र मल्टिफंक्शन स्विचगियर पनि हुनेछ, जुन नयाँ ३९० एड्भेन्चर र ३९० ड्युकमा पनि उपलब्ध छ ।

केटीएम आरसी३९० मा बीएस–६, ३७३ सीसी सिंगल सिलिन्डर, लिक्विडकुल्ड इन्जिन उपलब्ध छ । यो इन्जिन ६ स्पिड गियरबक्ससँग जोडिनेछ जसले ९००० आरपीएममा ४२.९ बीएचपीको अधिकतम पावर र ७००० आरपीएममा ३७ एनएमको टर्क जेनेरेट गर्छ ।

सो बाइकमा सिंगल प्याड हेडलाइटका साथै अन्तर्राष्ट्रिय स्पेक २०२२ आरसी ३९० मा भएको फेयरिङ माउन्टेड रियरभ्यु मिरर पनि समावेश छ । यसको साथै टर्न इन्डिकेटर सेटअप, नयाँ र शार्प फेयरिङ डिजाइन, १३.७ लिटरको फ्युल ट्याङ्की र साइड स्लङ्ग एक्जस्ट पनि समावेश गरिएको छ ।

केटीएम आरसी३९० बाइकको मूल्य २ लाख ७५ हजार देखि २ लाख ८० हजार भारुसम्म हुने अनुमान गरिएको छ । सो बाइक यसै महिनाको अन्त्यमा लन्च हुने सम्भावना छ । लन्चिङ पछि सो बाइक कावासाकी निन्जा ३०० र टीभीएस अपाचे आरआर३१० सँग प्रतिस्पर्धा गर्नेछ ।