केटीएम इन्ड्यूरो डे भव्यताका साथ सम्पन्न, को–को वने विजेता ?

काठमाडौं– केटीएम नेपालले केटीएम इन्ड्यूरो डे भव्यताका साथ सम्पन्न गरेको छ । माघ १७ गते हात्तीवन फरेस्ट रिसोर्टमा सम्पन्न उक्त कार्यक्रम एक्सट्रिम इनर्जी ड्रिंक्स सँगको सहकार्यमा आयोजना गरिएको हो ।

यस कार्यक्रमले अफ–रोड खेल प्रेमीहरूलाई प्राविधिक राइडिङ, प्रतिस्पर्धा र साहसिक अनुभवका लागि एउटै थलोमा ल्याएको कम्पनी भनाई छ ।

हात्तीवनको कठिन भू–बनोटमा राइडरहरूको कौशल परीक्षण गर्न चुनौतीपूर्ण ट्रयाक निर्माण गरिएको थियो । सहभागीहरूले ’लग जम्प’ (काठका मुढाहरू नाघ्ने) र जंगलका ठाडा बाटाहरू जस्ता प्राविधिक अवरोधहरू पार गर्दै केटीएमको ‘रेडी टु रेस’ भावनालाई सार्थक तुल्याएका थिए ।

राइडरहरुले प्रो, एमेच्योर र महिला गरी कुल तीनवटा विधामा प्रतिस्पर्धा गरेका थिए । जसअनुसार, प्रो बिधामा प्रज्वल अधिकारी विजेता बने भने सोही विधिामा प्रभात बोसेल प्रथम रनर अप र निश्चल अधिकारी द्धितिय रनरअप बने ।

त्यसैगरी, एमेच्योर विधामा केशव गौतमा विजेता बन्दा राहुल एयर प्रथम रनर अप र अभि रिसाल द्धितिय रअनर अप भए । महिलातर्फ वर्षा वस्नेत वितेता वनिन । सोही विधामा रुबी सिंज राजपुत प्रथप रनर अप र मिग्मा डोल्मा तामाङ द्धितिय रनरअप वनिन् ।

विजेतालाई सम्मान पत्रसहित विभिन्न आकर्षक पुरस्कार प्रदान गरिएको कम्पनीले जनाएको छ ।