आउने भयो केटीएम ८९० एड्भेन्चर बाइक, ७०० युनिट मात्र उत्पादन हुने

केही वर्ष अगाडी केटीएमले प्यारालल ट्विन ७९० एड्भेन्चर बाइक लन्च गरेको थियो । हाल कम्पनीले सोही बाइकको अपडेट भर्सन ८९० एड्भेन्चर बाइक ल्याउने तयारी गरेको छ । 

सो बाइकमा ठूलो परिवर्तन गरिएको छ । यसमा ८९० सीसीको इन्जिन जडान गरिएको छ । जसले ८००० आरपीएममा १०५ एचपीको टर्क जेनेरेट गर्छ । हाल उपलब्ध ७९९ सीसीको बाइकले ९५ एचपीको टर्क जेनेरेट गर्छ । साथै ६५०० आरपीएममा १००.३ एचपी र ८८.१२ एनएमको टर्क जेनेरेट गर्छ । सो बाइक बीएमडब्ल्यु एफ८५० जीएस एड्भेन्चरसँग प्रतिस्पर्धा गर्नेछ जसले ९५ एचपी र ९२.१९ एनएमको टर्क जेनेरेट गर्छ ।

सो बाइक ८९० एड्भेन्चर आर र ८९० एड्भेन्चर आर ¥याली गरी २ भर्सनमा उपलब्ध हुनेछ । सो दुबै बाइक युरोपको ५ एमिशन नर्म्स अनुरुप हुनेछ । कम्पनीका अनुसार सो बाइकमा टर्क र राइडेबिलिटी कम रेन्जमा पनि प्राप्त गर्न सकिन्छ । साथै क्रान्कसाफ्टको साथमा घुमाउँदा १० प्रतिशत वृद्धि हुन्छ । ८९० ट्विन बाइकमा अपडेट गरेको गियरबक्स र क्लच उपलब्ध हुनेछ । सो बाइकको बडी पाट्र्समा केही मात्र परिवर्तन गरिएको छ ।

सो बाइकको एड्भेन्चर आर भर्सनमा वैकल्पिक क्विक शिफ्टर फिचर रहेको छ जबकि ¥याली भर्सनमा स्ट्यान्डर्ड रहेको छ । ¥याली भर्सनमा एक्रोपोभिक एक्जस्ट सिस्टम रहेको छ । जुन स्ट्यान्डर्ड भर्सन भन्दा ३५ प्रतिशत हल्का रहेको छ । सो बाइकमा फरक ग्राफिक्स, कार्बन ट्यांक प्रोटेक्टर, क्लियर विन डिफ्लेक्टर पनि रहेको छ ।

केटीएम बाइकको एड्भेन्चर आर भर्सन नोभेम्बरमा बिक्री शुरु हुनेछ । यसको ¥याली भर्सन केटीएमको आधिकारिक वेबसाइटबाट मात्र अर्डर गर्न सकिने सम्भावना छ । कम्पनीका अनुसार ¥याली भर्सन ७०० युनिट मात्र उत्पादन गरिने छ । यसको २०० युनिट अमेरिकामा निर्यात गरिने छ । बाँकी रहेको ५०० युनिट अन्य मुलुकमा बिक्री गरिने छ ।