अपग्रेड भएर आयो केटीएम २०० ड्युक, मूल्य कति ?

केटीएमले ले २०० ड्युकको २०२६ संस्करण लन्च गरेको छ । पछिल्लो संस्करणमा धेरै अपग्रेडहरू र नयाँ कलर अप्सन थप गरिएको छ । केटीएमले सो नयाँ संस्करणको मूल्य १ लाख ९४ हजार भारु निर्धारण गरेको छ ।

२०० ड्युकको २०२६ संस्करणमा ५–स्पोक अलोय ह्वील, पछाडिको फुटपेगहरू नयाँ र पुनः डिजाइन गरिएको पिलियन ग्र्याब रेल राखिएको छ । साथै बाइकको ब्रेक सेटअप अपडेट गरिएको छ भने यसमा अव ३०० मिमी रोटरको सट्टा ठूलो ३२० मिमी डिस्क ब्रेक उपलब्ध गराइएको छ । बाइकमा युएसवी टाइप–सी चार्जिङ पोर्ट समेत दिइएको छ ।

बाइकमा उहि पहिलेकै १९९ सिसी, सिंगल–सिलिन्डर, लिक्विड–कूल्ड इन्जिनले निरन्तरता पाएको छ । जसले, २५ बिएचपी पावर र १९.३ एनएम टर्क जेनेरेट गर्दछ । इन्जिनलाई ६ स्पीड गियरबक्ससँग जोडिएको छ ।

समग्र डिजाइन अपरिवर्तित रहेपनि बाइकमा शार्प देखिने एलईडी हेडल्याम्प र नयाँ फ्युल ट्यांक जडान गरिएको छ । बाइक अब नयाँ एट्लान्टिक ब्लू कलर अप्सनमा समेत उपलब्ध हुने जनाइएको छ ।