कियाको सबैभन्दा सानो ईभी सार्वजनिक हुने मिति घोषणा

कियाले आफ्नो बहुप्रतिक्षित बिद्युतिय एसयूभी(ईभी) ईभी२ लाई आगामी जनवरी ९ मा सार्बजनिक गर्ने घोषणा गरेको छ । कम्पनीले ब्रसेल्स मोटर शोमा ईभी२ इलेक्ट्रिक क्रसओभर अनावरण गर्ने पुष्टि गरेको हो ।

किया ईभी२ ब्रान्डको सबैभन्दा सानो ईभी हो । केहि समयअघि मात्रै यसको कन्सेप्ट सार्बजनिक गरेको कम्पनी अब उत्पादन संस्करण सार्बजनिक गर्न तयार भएको हो ।

हालै सार्बजनिक गरिएको टिजरअनुसार यसको उत्पादन भर्सन कन्सेप्टसंग मिल्दोजुल्दो देखिन्छ । क्रसओभरमा सी आकारको एलईडी टेललाइटहरू र नयाँ सेल्टोसमा जस्तै डुअल एलईडी डिआरएल सहितको ठाडो एलईडी हेडलाइटहरू देखाइएको छ ।

ईभी२ लाई कियाले हुन्डाई इन्स्टरमा प्रयोग गरिएको ई–जीएमपी प्लेटफर्ममा तयार पार्नेछ । यो अगाडि माउन्ट गरिएको इलेक्ट्रिक मोटरद्वारा संचालित हुनेछ र दुईभन्दा बढि ब्याट्री अप्स्नमा उपलब्ध हुने अनुमान गरिएको छ ।