किया सोनेटको विक्री ५ लाख युनिट नाघ्यो

कियाले आफ्नो सब–कम्प्याक्ट एसयुभी सोनेटको विक्री ५ लाख युनिट नाघेको जनाएको छ । कम्पनीका अनुसार, भारतिय बजारमा बिक्री हुने किया कारमा सोनेट एउटै मोडलले ३५ प्रतिशत हिस्सा लिएको छ भने बाँकी ६५ प्रतिशत सेल्टोस र क्यारेन्स लगायत मोडलको छ ।

सोनेटको बिक्री लगातार दुई वर्षदेखि १ लाख युनिट नाघेको कम्पनीको भनाई छ । त्यसैगरी, विश्व बजारमा १ लाख भन्दा बढि सोनेट निर्यात गरिएको छ ।

सोनेट हाल भारतसिहत मध्य पूर्व, मध्य र दक्षिण अमेरिका, मेक्सिको र एपीएसी क्षेत्र सहित विश्वका करिव ७० बजारमा निर्यात हुँदै आएको छ ।

किया सोनेट हाल १.२ लिटर पेट्रोल इन्जिन, १.० लिटर टर्बो–पेट्रोल इन्जिन र १.५ लिटर डिजेल इन्जिनसहित कुल तीनवटा पावरट्रेनमा उपलब्ध छ । यो एसयुभी नेपाली बजारमा समेत राम्रै संख्यामा बिक्री भइरहेको छ ।