किया सेल्टोस फेसलिफ्ट आउने, परीक्षणमा देखियो पहिलो पटक

भारतीय र नेपाली बजारमा समेत लोकप्रिय मानिएको किया सेल्टोसको अब फेसलिफ्ट मोडल उपलब्ध हुने भएको छ । हालै दक्षिण कोरियामा यो एसयूभी परीक्षणको समयमा देखिएको समाचार सार्वजनिक भएसँगै धेरैको ध्यान अब त्यता मोडिएको छ ।

अर्को वर्ष किया सेल्टोस फेसलिफ्ट बजारमा उपलब्ध हुने अनुमान गरिएको छ । नेपाली बजारमा समेत यो एसयूभी लोकप्रिय बनेको छ । कियाले केही दिन पहिले सार्वजनिक गरेको किया क्यारेन्समा प्रयोग भए जस्तै नयाँ डिजाइन फिलोसोफी अपोजिट युनाइटेड प्रयोग हुने अनुमान गरिएको छ ।

मिडिया रिपोर्ट अनुसार नयाँ किया सेल्टोसमा रिभाइज्ड हेडल्याम्प, अपडेटेड डीआरएल, रिभाइज्ड ग्रिल, आकर्षक फ्रन्ट बम्पर र ग्रिल, अपडेटेड टेललाइटका साथै अन्य धेरै फिचर पाउन सकिने छ । यद्यपि इन्टेरियरमा भने धेरै परिवर्तन नहुन सक्छ ।

त्यसैगरी यसमा नयाँ कलर स्किमका साथै थप विशेषतायुक्त कनेक्टेड कार फिचर, प्यानोरामिक सनरुफ, एयर प्युरिफायर, १०.२५ इन्चको टचस्क्रिन इन्फोटेनमेन्ट सिस्टम समेत विभिन्न फिचर हुने छन् । यसमा प्रयोग हुने इन्जिन र पावरका साथ ट्रान्समिसन अप्सन भने अहिलेकै मोडल जस्तै हुन सक्छ ।