कियाको नयाँ एसयूभी ईभी९

किया मोटर्स हाल फ्ल्यागशिप इलेक्ट्रिक एसयूभीमा काम गरिरहेको छ । कम्पनीको सो एसयूभी परीक्षणको समयमा देखिएको छ । सो एसयूभी चाँडै नै भारतीय र नेपाली बजारमा समेत प्रवेश गर्न सक्ने अनुमान गरिएको छ ।

कम्पनीले ईभी९ फ्ल्यागशिप कन्सेप्ट २०२३ अटो एक्सपोमा सार्वजनिक गरेको थियो । ई–जीएमपी प्लेटफर्ममा आधारित ईभी९ अन्तर्राष्ट्रिय बजारमा धेरै पावरट्रेनहरूमा उपलब्ध छ । अन्तर्राष्ट्रिय बजारमा उपलब्ध ईभी९ को बेस भेरिएन्टमा ७६.१ किलोवाट ब्याट्री प्याक समावेश छ, जसले ३५८ किलोमिटरको रेन्ज प्रदान गर्छ ।

यसमा एक्सेल–माउन्ट गरिएको २१५ बीएचपी इलेक्ट्रिक मोटरसँग जोडिएको छ । सो कार ९९.८ किलोवाट ब्याट्री प्याक भएको अर्को भेरिएन्ट पनि उपलब्ध छ, जसले फुल चार्जमा ५४१ किलोमिटरको रेन्ज दिन्छ ।

परीक्षणको समयमा देखिएको कारको डिजाइनमा सिग्नेचर टाइगर नोज एलिमेन्टसँग जोडिएको ब्ल्याक अफ फ्रन्ट ग्रिलको साथमा उपलब्ध हुनेछ, जसलाई भर्टिकल एलईडी हेडल्याम्प र फ्रन्ट बम्पर सेटले घेरिएको छ । यसमा २१ इन्चको अलोय ह्विल र पछाडि स्लिक हाई माउन्टेड स्टप ल्याम्पको साथै टेल ल्याम्प समावेश छ ।