सुरुवाती मूल्य ९ लाख भारुमा लन्च भयो किया क्यारेन्स

कियाले क्यारेन्स एमपीभीलाई आज भारतमा लन्च गरेको छ । सेल्टोसको प्लेटफर्ममा आधारित भई निर्माण गरिएको यो एमपीभी १.५ पेट्रोल, १.४ पेट्रोल र १.५ डिजेल गरी कुल तीन इन्जिन अप्सनमा उपलब्ध छ । जसको मूल्य ९ लाखदेखी १७ लाख भारुसम्म निर्धारण गरिएको छ । जुन यहि सेग्मेन्टका अन्य प्रतिस्पर्धी एमपीभीको तुलनमा एकदमै आकर्षक रहेको जनाइएको छ ।

सेल्टोसभन्दा २२५ एमएम लामो यसको ह्विबेश समेत सेल्टोसको तुलनामा १६० एमएम बढी रहेको छ । यो एमपीभी म्यानुअल र अटोमेटिक दुबै ट्रान्समिसनमा उपलब्ध हुनेछ । एसयुभीबाट प्रेरित डिजाइन भएको क्यारेन्समा ६ र ७ सिटको अप्सन दिइएको छ । जसमध्ये टप भेरियन्टको दोस्रो लहरमा क्याप्टेन सिट सहितको ६ सिट र अन्य भेरियन्टमा ७ सिट अप्सन दिएको हो ।

प्रिमियम, प्रेस्टिज, प्रेस्टिज प्लस, लक्जरी र लक्जरी प्लस गरी कुल ५ ट्रिममा उपलब्ध यसको सबै भेरियन्टको तीनवटै लहरमा एयर कोन भेन्ट र तेस्रो लहरमा सजिलै जान वन टच इलेक्ट्रिक एसिस्टेड टम्वर सिस्टम दिइएको छ । टप भेरियन्टमा भने क्लाइमेट कन्ट्रोल, कनेक्टेड कार टेकसहितको १०.२५ इन्चको टचस्क्रिन इन्फोटेन्मेन्ट सिस्टम, किलेस गो, क्रुज कन्ट्रोल, भेन्टिलेटेड फ्रन्ट सिट, वायरलेस फोन चार्जिङ र रियर भ्यू क्यामेरा लगायत अन्य थुप्रै फिचर्स उपलब्ध गराइएको छ ।

सबै भेरियन्टमा ६ वटा एयरब्याग, एबिएस, इएससी, हिल स्टार्ट एन्ड डिसेन्ट कन्ट्रोल र टायर प्रेसर मोनिटरिङ सिस्टम दिइएको छ ।

३ वटै इन्जिनमा ६ स्पिड म्यानुअल गियर बक्सलाई अनिबार्य गराइएको छ । साथै यसको टर्बो पेट्रोल र डिजेल इन्जिनमा भने अटोमेटिक गियर बक्सलाई अप्सनका रुपमा उपलब्ध गराइएको छ । यसको १.५ नेचुरल्ली एस्पिरिटेड पेट्रोल इन्जिनको पावर ११५ एचपी, १.४ टर्बो लिटरको पावर १४० एचपी र १.५ लिटर डिजेलको पावर ११५ एचपी रहेको छ । पेट्रोल इन्जिनले १६.५ किलोमिट र डिजेलले २१.५ किलोमिटर माइलेज प्रदान गर्ने दाबी गरिएको छ ।

यो एमपीभीले बजारमा सुजुकी इर्टिगा र एक्सएल६ र महिन्द्रा मराजोसंग प्रतिस्पर्धा गर्नेछ । क्यारेन्सलाई अबको केही समयपछि नेपाली बजारमा समेत उपलब्ध गराउने आधिकारिक बितरक कन्टिनेन्टल एसोसियट स्रोतले बताएको छ । नेपाल आउँदाको यसको सुरुवाती मूल्य ४५ लाख हाराहारी निर्धारण हुने अनुमान गरिएको छ ।