६ एयरब्याग, ६६ कनेक्टेड फिचर र ८ स्पिकर साउन्ड सिस्टम सहित यस्तो हुनेछ किया क्यारेन्स फिचर

किया क्यारेन्स भारतमा लन्चिङ भन्दा पहिला नै यसको ट्रिम विवरण र टेक्निकल स्पेसिफिकेसन्स सार्वजनिक भएको छ । उक्त कारको बुकिङ जनवरी १४, २०२२ बाट सुरु हुनेछ । सो कार प्रिमियम, प्रेस्टिज, प्रेस्टिज प्लस, लक्जरी र लक्जरी प्लस गरी ५ वटा ट्रिम लेभलमा उपलब्ध हुनेछ ।

यसका साथै कारमा पावरट्रेन र सिटिङको विकल्प पनि उपलब्ध हुनेछ । सबै ट्रिममा स्ट्यान्डर्डको रुपमा १० हाई सेफ्टी प्याकेज समावेश गरिएको छ ।

किया क्यारेन्सको फ्युचरिस्टिक र बोल्ड एक्सटेरियर सहितको इन्टेरियर ग्राहकको सुविधालाई ध्यानमा राखेर डिजाइन गरिएको हो ।

किया क्यारेन्समा १०.२५ इन्चको एचडी टचस्क्रिन नेभिगेसनसहितको नेक्स्ट जेनेरेसन किया कनेक्ट, ८ स्पिकरसहितको बोस प्रिमियम साउन्ड सिस्टम, भाइरस र ब्याक्टेरिया संरक्षणसहितको स्मार्ट प्योर एयर प्युरिफायर, भेन्टिलेटेड फ्रन्ट सिट, एक टच इजी इलेक्ट्रिक टम्बलसहितको दोस्रो रो–सिट, वान टच इजी इलेक्ट्रिक टम्बलको साथै स्काइलाइट सनरुफ जस्ता इन–क्लास फिचर उपलब्ध रहेको छ ।

किया क्यारेन्समा तीन पावरट्रेन विकल्पहरू स्मार्टस्ट्रिम १.५ पेट्रोल, स्मार्टस्ट्रिम १.४ टी–जीडीआई पेट्रोल र १.५ सीआरडीआई भीजीटी डिजेलमा उपलब्ध हुनेछ । यसको साथै तीनवटा ट्रान्समिसन विकल्प ६एमटी, ७डीसीटी र ६एटी छनोटको विकल्प पनि हुनेछ । कारमा प्रिमियमदेखि लक्जरी ट्रिमसम्म सात सिटरको विकल्पमा उपलब्ध गराइनेछ भने लक्जरी प्लस ट्रिम ६ र ७ सिटर दुवै विकल्पमा उपलब्ध हुनेछ ।

किया कनेक्ट नेभिगेसन, रिमोट कन्ट्रोल, भेइकल म्यानेजमेन्ट, सेफ्टी र फिचर गरी ६६ कनेक्टेड फिचर समावेश गरिएको छ ।

सो फिचरहरुमा फाइनल डेस्टिनेसन गाइडेन्स, सर्भरमा आधारित रुटिङ गाइडेन्स, रिमोट सिट भेन्टिलेसन कन्ट्रोल, प्रो–एक्टिभ भेइकल स्टेटस अलर्ट आदि समावेश छन् । ओभर–द–एयर म्याप अपडेटको अतिरिक्त किया कारका ग्राहकहरूले ओभर–द–एयर सिस्टम अपडेट गरिएको छ । किया फिचरमा सफ्टवेयर अपग्रेडको कारण सर्भिस सेन्टरमा जाने झन्झट हट्नेछ ।

सो कार लन्चिङ पछि हुन्डाई अल्काजार, टाटा सफारी, मारुती सुजुकी एक्सएल६, टोयोटा इनोभा क्रिस्टा र महिन्द्रा मराजो जस्ता कारहरूसँग प्रतिस्पर्धा गर्ने अपेक्षा गरिएको छ ।