पश्चिमाञ्चल अटोमोबाइल डिलर्स एसोसिएसनको अध्यक्षमा खड्का

पोखरा – पश्चिमाञ्चल अटोमोबाइल डिलर्स एसोसिएसनको ८ औं अधिवेशनले मोहनबाबु खड्काको अध्यक्षतामा नयाँ कार्यसमिति सर्वसम्मत रुपमा चयन गरेको छ ।

एसोसिएसनको बरिष्ठ उपाध्यक्षमा कृष्णप्रसाद श्रेष्ठ, उपाध्यक्षमा राघव सिलवाल, महासचिवमा दीपेन्द्र कोइराला, कोषाध्यक्षमा शिव श्रेष्ठ र सचिवमा निरन के.सी चयन भएका छन् ।

सदस्यहरमा विनय थापा, टिका कुमारी गुरुङ, अशोक कुमार कार्की, दीपेन्द्र भण्डारी, छविलाल सुवेदी, अशोक चालिसे, महदत्त भट्टराई, हरिप्रसाद तिवारी र मनोज थापा चयन भएका छन् ।

पोखरा लगायत पश्चिम क्षेत्रका अटोमोबाइल व्यवसायीहरुको साझा संगठनको रुपमा पश्चिमाञ्चल अटोमोबाइल डिलर्स एसोसिएसन रहेको छ । यसलाई छोटकरीमा वाडा पनि भनिन्छ ।

नयाँ कार्यसमितिका साथ नाडा अटोमोबाइल्स एसोसिएसन अफ नेपाल पदाधिकारीहरुको छलफल समेत सम्पन्न भएको छ ।