काठमाडौं–नमोबुद्ध टुरिङ -याली सम्पन्न

काठमाडौं– नेपाल अटोमोवाइल्स एसोसिएसन (नासा नेपाल) र महिला मोटरसाइकल चालकहरुको अन्तराष्ट्रिय महासंघको नेपाल च्याप्टर विमा नेपालले उपत्यका पर्यटन कार्यालय, बागमति प्रदेश सरकारसँग मिलेर काठमाडौं देखि नमोबुद्ध टुरिङ्ग -याली शनिवार साझँ सफलता पूर्वक सम्पन्न गरेको छ ।

सय भन्दा वढिको सहभागिता रहेको उक्त कार्यक्रमलाई बागमति प्रदेश सरकारका संस्कृति, पर्यटन तथा सहकारी मन्त्री पुकार महर्जनले उपत्यका पर्यटन कार्यालय, सानो हातिवन, ललितपुरबाट सुभारम्भ गरेका थिए ।

मोटरसाइकल, मोटरिष्ट र युवालाई आन्तरिक पर्यटनसँग जोडन आवश्यक साथ र सहोयोग गर्न बागमति प्रदेश सरकार, पर्यटन तथा सहकारी मन्त्रालय तयार रहेको मन्त्री पुकार महर्जनले प्रतिबद्दता जनाएका थिए ।

‘टुरिजम एण्ड ग्रिन इन्भेष्टमेन्ट’ भन्ने मुल नारा रहेको यसपालिको ४४औं विश्व पर्यटन दिवस २०२३ मा गरिएको -यालीमा इलेक्ट्रिक स्कुटर, बाइक, स्कुटर तथा विशेष क्षमताका व्यक्तिले चलाउने ३ पांग्रे स्कुटरको समेत उल्लेखनिय सहभागिता रहेको थियो ।

बागमती प्रदेशमा अनगिन्ती पर्यटकिय स्थल रहेको र -याली जस्ता कार्यक्रमले विभिन्न पर्यटकिय स्थानको पहिचान, प्रर्वधन र प्रोत्साहन गर्न सघाउने उपत्यका पर्यटन कार्यालयका प्रमुख राजन पोखरेलले जानकारी गराएका थिए ।