नयाँ वर्ष विशेष छुटसहित केई एक्सचेन्ज क्याम्प हुँदै, के–के छन् आकर्षण ?

काठमाडौं–चिनियाँ अटोमोबाइल ब्राण्ड केईको नेपालका लागि आधिकारिक विक्रेता लक्ष्मी ई–मोबिलिटी र जीओ अटोमोबाइल्सले नयाँ वर्ष २०८३ को उपलक्ष्यमा देशव्यापी ‘एक्सचेञ्ज क्याम्प’ सञ्चालन गर्ने घोषणा गरेका छन् ।

क्याम्प केईको देशभरका आधिकारिक शोरुमहरुमा आगामी शुक्रबार देखी आइतबारसम्म (चैत २७ देखि २९ गते) चल्ने जनाइएको छ ।

एक्सचेन्ज क्याम्पमा सहभागी हुने ग्राहकका लागि कम्पनीले नयाँ वर्ष विशेष नगद फाइदा र आकर्षक एक्सचेन्ज बोनस, पुराना सवारीको उत्कृष्ट मूल्याङ्कन, सजिलो फाइनान्सिङ र अटो बीमा सुविधा तथा ७ किलोवाट अर्थात तीन किलोवाट चार्जरको विकल्पलगायत सुविधा उपलब्ध गराएको छ ।

साथै, प्रत्येक गाडी बुकिङमा जोडीका लागि धुलिखेलस्थित दुसित थानी रिसोर्टमा एक रातको निःशुल्क प्याकेजको विशेष अफर पनि कम्पनीले घोषणा गरेको छ ।

काठमाडौंको हकमा यो कार्यक्रम थापाथलीस्थित केई शोरूम नजिकै बिहान १० बजेदेखि बेलुका ६ बजेसम्म सञ्चालन हुने छ । कार्यक्रमलाई रोचक बनाउन त्यहाँ लाइभ फुड स्टलहरू र विभिन्न मनोरञ्जनात्मक गतिविधिहरू समेत आयोजना गरिने कम्पनीले जनाएको छ ।

कार्यक्रममा ग्राहकहरूले केईका लोकप्रिय मोडलहरू केई ई–क्यूट ०२, ई–क्यूट ०४ र एक्स३ प्रो ईभी अवलोकन र टेस्ट ड्राइभ गर्न सक्नेछन् ।