टाटा प्लेटफर्मममा बन्ने नयाँ जीप एसयूभी ५० देशमा निर्यात हुने

स्टेलान्टिसले टाटा मोटर्ससँगको साझेदारीलाई विश्वव्यापी बजारका लागि नयाँ जीप एसयूभी विकास गर्न प्रयोग गर्ने भएको छ । जसअन्तर्गत, २०२८ मा आउने नयाँ जीप एसयूभी टाटा मोटर्सको प्लेटफर्ममा आधारित हुनेछ । भारतमा उत्पादन हो सो एसयूभी ५० देशमा निर्यात गरिने जनाइएको छ ।

आगामी जीप मोडल स्थानीय साझेदारी र कम लागतको इन्जिनियरिङ इकोसिस्टम प्रयोग गरेर उत्पादन गरिने बताइएको छ । सो नयाँ मोडल एशियामा विकास गरिरहेको पाँच विश्वव्यापी उत्पादन मध्ये एक बन्ने अपेक्षा गरिएको छ ।

स्टेलान्टिसले भारतीय बजार र निर्यातका लागि आफ्नो ज्वाइन्ट भेन्चर मार्फत उत्पादन, प्रविधि र सोर्सिङ सिनर्जीलाई लाभान्वित गर्ने लक्ष्य राखेको छ । कम्पनीले पहिले नै रंजनगाउँ प्लान्टमा इन्जिन उत्पादन गर्न टाटा मोटर्ससँग सम्झौता गरिसकेको छ ।

टाटाको आपूर्ति शृङ्खला र उत्पादन स्केलमा पहुँच प्राप्त गरेर स्टेलान्टिसले भारत जस्तो मूल्य संवेदनशील बजारमा आफ्नो पकड विस्तार गर्ने लक्ष्य लिएको छ । जसअनुरुप यी दुई अटो जायत्टले विभिन्न परियोजनामा साझेदारी गर्दै आएका छन् ।

हाल, स्टेलान्टिसले भारतमा जीप र सिट्रोन ब्रान्डका एसयूभी उत्पादन गर्दै आएको छ । जीपसँग कम्पास, मेरिडियन, ¥याङ्गलर र ग्रान्ड चेरोकी छ भने, सिट्रोनको पोर्टफोलियोमा सी३, ईसी३, बेसाल्ट, एयरक्रस र सी५ एयरक्रस जस्ता मोडल समाबेश छन् ।