जिपले भारतीय बजारमा ३ एसयूभी लन्च गर्ने

अमेरिकी कार निर्माता कम्पनी जिपले भारतीय बजारमा नयाँ मोडल ल्याउने तयारी गरेको छ । ब्रान्डले सेप्टेम्बर र अक्टोबरमा कम्पास र मेरिडियनको अपडेटेड संस्करणहरू लन्च गर्ने भएको छ । साथै जिपले २० लाख भन्दा कम मूल्यको नयाँ एसयूभी ल्याउने योजना बनाएको छ । 

२०२४ जिप कम्पास

जिप इन्डियाले अपडेटेड कम्पास चाँडै लन्च गर्ने तयारी गरिरहेको छ । फेसलिफ्टेड जिप कम्पासमा २.० लिटर ४ सिलिन्डर, टर्बोचार्ज्ड डिजेल इन्जिनले सुसज्जित हुनेछ, सो इन्जिनले १७० बीएचपी पावर र ३५० एनएम टर्क उत्पादन गर्नेछ । सो एसयूभी म्यानुअल र अटोमेटिक गियरबक्सले सुसज्जित हुनेछ ।

जिप मेरिडियन फेसलिफ्ट

कम्पनीले अक्टोबर २०२४ मा भारतीय बजारमा मेरिडियन फेसलिफ्ट पनि प्रस्तुत गर्नेछ । जिपले फेसलिफ्टेड मेरिडियनको टिजर पनि जारी गरेको छ । यसमा फेसलिफ्ट कम्पासमा जस्तै इन्जिन हुनेछ, यद्यपि सो इन्जिन ९ स्पिड अटोमेटिक गियरबक्स र एडब्ल्युडी सिस्टममा आउनेछ ।नयाँ जिप मेरिडियन फेसलिफ्टमा अपडेट गरिएको ग्रिल, एलईडी हेडल्याम्प, डीआरएल, सिल्भर एक्सेन्टसहितको नयाँ फ्रन्ट बम्पर र बम्परमा रहेको रडार मोड्युल समावेश हुनेछ ।

नयाँ जिप एसयूभी

मिडिया रिपोर्टहका अनुसार जिपले भारतमा २० लाख भन्दा कम मूल्यको एसयूभी पनि ल्याउने तयारी गरिरहेको छ । आगामी जिप एसयूभी कमन मोड्युलर प्लेटफर्ममा निर्माण हुने अपेक्षा गरिएको छ । जिपको नयाँ एसयूभीले हुन्डाई क्रेटा, टाटा कर्भ र अन्य मिडसाइज एसयूभीसँग प्रतिस्पर्धा गर्ने अनुमान गरिएको छ ।