नयाँ चेरोकीलाई जीपले यसै वर्ष डेब्यू गर्ने

जीपले २०२५ को अन्त्यतिर अल–न्यू चेरोकी एसयूभीको डेब्यू हुने पुष्टि गरेको छ । एसयूभीको पाँचौं पुस्ता २०२३ मा बन्द गरिएको थियो ।

नयाँ चेरोकीमा जीपको नवीनतम डिजाइन ल्यांग्वेज रहेको छ, जुन वागोनियर एस र नयाँ कम्पासमा पनि देखिन्छ । यस एसयुभीमा सिग्नेचर एलईडी डिटेलिङ र चंकी एलोय ह्वीलहरू सहित नयाँ हेडलाइट राखिएका छन् ।

नयाँ चेरोकीलाई स्टेलान्टिसको नयाँ एसटिएलए ठूलो प्लेटफर्ममा बनाइएको छ । नयाँ चेरोकी हाइब्रिड पावरट्रेनको साथ आउने जीपले पुष्टि गरेको छ । साथै यसको आईसिई र बिद्युत्तिय संस्करण पनि लन्च हुने संभावना रहेको छ ।

‘ग्राहकलाई पहिलेभन्दा बढी नवीनता, छनोट र फिचर प्रदान गर्ने हाम्रो प्रयासलाई पूर्ण रूपमा नयाँ जीप चेरोकीले प्रमुख भूमिका खेल्नेछ’ जीपका प्रमुख कार्यकारी अधिकृत बब ब्रोडरडोर्फले भने । उनका अनुसार सो नयाँ एसयुभी प्रतिस्पर्धि मूल्यमै उपलब्ध हुनेछ ।