नेपाली बजारमा पहिले नै उपलब्ध जिप ग्रान्ड चेरोकी अब नोभेम्बरमा भारतमा लन्च हुने

जिपले पाँचौं जेनेरेशन ग्राण्ड चेरोकीलाई नयाँ अवतारमा भारतमा लन्च गर्ने भएको छ । कम्पनीले ग्राण्ड चेरोकीको डिजाइन, इन्टेरियर र फिचर सहितको टिजर पनि सार्वजनिक गरेको छ ।

यो भारतमा उत्पादन हुने जिपको पहिलो मोडल हुनेछ । स्थानीय उत्पादनका कारण यसको मूल्य पनि पहिलेभन्दा कम हुने सम्भावना रहेको छ ।

कम्पनीले हाल मेरिडियन, कम्पास र -याग्लर बिक्री गरिरहेको छ । जिप ग्रान्ड चेरोकी नोभेम्बर २०२२ मा भारतमा लन्च हुनेछ । यो कम्पनीको भारतमा बन्ने चौथो मोडल हुनेछ ।

कम्पनीले जारी गरेको नयाँ टिजरमा नयाँ ग्रिल, हेडलाइट र यसको पछाडि एलईडी टेललाइट देख्न सकिन्छ । साथै अगाडिको हेडलाइट तल र माथि फग लाइट राखिएको छ ।

यसको बोनेटमा केही लाइनहरू, दुबै ओआरभीएममा टर्न इन्डिकेटर र यसमा रूफ रेल्स पनि दिइएको छ । सो एसयूभीमो इन्टेरियरमा ठूलो इन्फोटेनमेन्ट सिस्टममा फुल कनेक्टिभिटी प्याकेजसहित जडान गरिएको छ ।

यसमा एड्भान्स ड्राइभिङ असिस्टेन्स सिस्टम पनि दिइनेछ । कारको ढोकामा खैरो, नीलो र कालो रङ प्रयोग गरिएको छ ।

अमेरिकन आइकनिक ब्रान्ड जिपको यो अफ रोडर एसयुभी नेपाली बजारमा भने करिव डेढ वर्ष पहिले देखि नै कारोबार भैरहेको छ । अमेरिकाबाट आयत गरि ल्याइएको यो प्रिमियम एसयुभीलाई नेपालका उद्योगपति, व्यवसायी र उच्च घरनाका व्यक्तिहरुले रुचाइरहेका छन् । ग्रान्ड चेरोकीले अटोमोबाइलको इतिहासमा सर्बाधिक अवार्ड जित्न सफल एसयुभीका रुपमा समेत पहिचान बनाएको छ ।

नेपाली बजारमा उपलब्ध ग्रान्ड चेरोकीमा ३.० लिटर पेट्रोल इन्जिन जडान गरिएको छ । जसको अधिकतम पावर २४७ बिएचपी र टर्क ६७० एनएम रहेको छ ।