नेपाली बजारमा १ वर्षअघि नै भित्रिएको जीप ग्रान्ड चेरोकी अब भारतमै एसेम्बल हुने

जीपले ग्रान्ड चेरोकीलाई भारतमै एसम्बल गर्ने भएको छ । अमेरिकन आइकनिक ब्रान्ड जीपको यो अफ रोडर एसयुभी नेपाली बजारमा भने १ बर्षयता कारोबार भैरहेको छ । अमेरिकाबाट आयत गरि ल्याइएको यो प्रिमियम एसयुभीलाई नेपालका उद्योगपति, व्यवसायी र उच्च घरनाका व्यक्तिहरुले रुचाइरहेका छन् । ग्रान्ड चेरोकीले अटोमोबाइलको इतिहासमा सर्बाधिक अवार्ड जित्न सफल एसयुभीका रुपमा समेत पहिचान बनाएको छ ।

यसै बर्षको अन्त्यसम्ममा सार्बजनिक गरिसक्ने लक्ष्य लिइएको यसको हाल भारतीय सडकमा परिक्षण भैरहेको छ । भारतमा -यांगलर, कम्पास र थ्रि रो मेरिडियनको एसेम्वल गरिरहेको जीपले चेरोकीलाई नर्थ अमेरिकापछि पहिलोपटक भारतमा एसेम्बल गर्न लागेको हो ।

भारतमा यसको स्ट्यान्डर्ड भेरियन्टलाई मात्र एसेम्बल गरिने जीपले जनाएको छ । ५ सिटर यो एसयुभीमा १०.१ इन्चको सेन्ट्रल टचस्क्रिन एन्फोटेन्मेन्ट सिस्टम र डिजिटल इन्स्ट्रुमेन्ट स्क्रिनको साथै अगाडी बस्ने यात्रुको अगाडी समेत बिशेष प्रकारले निर्माण गरिएको टचस्क्रिन उपलब्ध हुनेछ । यो एसयुभी पानारोमिक सनरुफ, भेन्टिलिटेड फ्रन्ट सिट र हेड अप डिस्प्ले जस्ता अत्याधुनिक फिचर्ससहित बजारमा आउनेछ ।

यो एसयुभीमा जीपले ८ स्पिड अटोमेटिक गियरबक्स सहितको २.० लिटर टर्बो पेट्रोल जडान गर्ने बताएको छ । जसको अधिकतम पाव र टर्क भने हालसम्म सार्बजनिक गरिएको छैन । नेपाली बजारमा उपलब्ध ग्रान्ड चेरोकीमा ३.० लिटर पेट्रोल इन्जिन जडान गरिएको छ । जसको अधिकतम पावर २४७ बिएचपी र टर्क ६७० एनएम रहेको छ । नेपाली बजारमा यसको स्ट्यान्डर्ड भेरियन्टको मूल्य २ करोड ५९ लाख ९० हजार र लिमिटेडको २ करोड ८३ लाख ८० हजार रुपैयाँ निर्धारण गरिएको छ ।