दसैंका लागि जिपको लिजेन्ड्री अफर : ७ प्रतिशत ब्याजदर, २० प्रतिशत डाउन पेमेन्ट

काठमाडौं – नेपालमा जिपको आधिकारिक वितरक लाइफ अटोमोबाइल्सले यो वर्षको दसैंलाई मध्यनजर गरी नयाँ जिप कम्पासमा लिजेन्ड्री अफर ल्याएको छ । नेपालमा केही समय देखि उपलब्ध भएको जिपको नयाँ फेसलिफ्ट मोडलका लागि यो अफर उपलब्ध गराइएको छ ।

जिप एउटा लिजेन्ड्री लाइफ झल्काउने ब्रान्ड भएको र धेरैको रुचिकर ब्रान्ड भए पनि कमैले मात्र यो ब्रान्डलाई आफ्नो बनाउने क्षमता राख्छन् । यही कुरालाई मनन गरी लाइफ अटोमोबाइल्सले नयाँ जिप कम्पास ६.९९ प्रतिशत ब्याजदरको फाइनान्स सुविधामा बाँकी रकम तिर्न सकिने गरी २० प्रतिशत मात्र शुरुमा डाउन पेमेन्ट गरे हुने व्यवस्था मिलाएको छ ।

नयाँ जिप कम्पास पेट्रोल इन्जिनमा ३ भेरिएन्ट नेपालमा उपलब्ध छ । यसको मूल्य ८४ लाख ९० हजार देखि १ करोड ११ लाख ९० हजार रुपैयाँ छ । त्यसैगरी डिजेल इन्जिनमा ६ भेरिएन्ट उपलब्ध छ र यसको मूल्य ९९ लाख ९० हजार देखि १ करोड ३६ लाख ९० हजार रुपैयाँ सम्म छ ।

नयाँ जिप कम्पास फेसलिफ्ट हेर्दा धेरै पहिले जस्तै देखिन्छ । तर पनि कम्पनीले कम्पासको क्याबिन र सुविधाहरूमा ठूला परिवर्तनहरू गरेको छ। केही साना परिवर्तनहरू २०२१ जिप कम्पास फेसलिफ्टको बाहिरी भागमा गरिएको छ ।

यसमा केही सामान्य कस्मेटिक परिवर्तन गरिएको छ भने ७ स्लट ग्रिलमा पनि केही परिवर्तन गरिएको छ । त्यसैगरी अघिल्लो र पछिल्लो बम्परमा परिवर्तन गरिएको छ भने फराकिलो हनिकम्ब मेस एयरड्याम उपलब्ध छ ।

यसको क्याबिनमा नयाँ ड्यासबोर्ड दिइएको छ, जुन १०.१ इन्चको ठूलो आकारको टचस्क्रिन इन्फोटेनमेन्ट सिस्टमका साथ उपलब्ध छ । यसमा अझै राम्रो अपहोल्स्ट्री छ भने स्टेयरिङ ह्विल पनि नयाँ खाले छ । त्यसैगरी अपडेटेड इन्स्ट्रयुमेन्ट प्यानल उपलब्ध छ भने सेन्ट्रल कन्सोलको स्टोरेज क्षमता पनि बढाइएको छ ।

यसको फिचरमा भएको सबैभन्दा ठूलो परिवर्तन नै १०.१ इन्चको टचस्क्रिन युनिट हो, जुन १० इन्चको एचडी इन्स्ट्रयुमेन्ट क्लस्टर डिस्प्लेका साथ आउछ । यो एफसीएको नयाँ यूकनेक्ट ५ प्रविधिमा आधारित छ र एन्ड्रोइडमा काम गर्छ । यसमा कनेक्टेड फिचर दिइएको छ, जसमा भ्वाइस कमान्ड असिस्ट र ओभर द एयर अपडेट उपलब्ध हुन्छ । सो एसयूभीमा एप्पल कारप्ले र एन्ड्रोइड अटो जस्ता फिचर प्रयोग गर्न सकिन्छ ।

पहिले जस्तै जिप कम्पास फेसलिफ्टमा पनि ७ एयरब्याग, एबीएस र ईबीडी, इलेक्ट्रोनिक स्ट्याबिलिटी प्रोग्राम, ब्रेक असिस्ट, टेरेन मोड, हिल असिस्ट र हिल डिसेन्ट कन्ट्रोल जस्ता फिचर उपलब्ध छन् ।

नयाँ जिप कम्पास फेसलिफ्ट १.४ लिटर, फोर सिलिन्डर, मल्टी एयर पेट्रोल इन्जिन वा २.० लिटर फोर सिलिन्डर मल्टी जेट डिजेल इन्जिनका साथ उपलब्ध छ । पेट्रोल इन्जिनमा ६–स्पिड म्यानुअल वा ९–स्पिड टर्क कन्भर्टर अटोमेटिक ट्रान्समिसन विकल्प हुनेछ भने डिजेल इन्जिनमा ६–स्पिड म्यानुअल वा ७–स्पिड ड्युअल क्लच ट्रान्समिसनको विकल्प हुनेछ । टर्बो पेट्रोल इन्जिनले १६३ एचपी पावर र २५० एनएम टर्क र डिजेल इन्जिनले १७३ एचपी पावर र ३५० एनएम टर्क जेनेरेट गर्छ ।