जीपको ७ सिटर एसयुभी मेरिडियन सार्बजनिक, औपचारिक लन्च पछि नेपाल आउनसक्ने संभावना

अमेरिकन अटो निर्माता जीपले भारतीय बजारमा नयाँ ७ सिटर एसयुभी मेरिडियन सार्बजनिक गरेको छ । कम्पास एसयुभीमा आधारित यो ७ सिटर एमपीभीको छिट्टै बुकिङ खुल्ला हुने र अर्को महिना औपचारिक लन्च गरिने जनाइएको छ । यो एसयुभी जीपको लाइनअपमा कम्पास भन्दा माथीको मोडल हुने बताइएको छ ।

फ्रन्ट लुक्सलाई झट्ट हेर्दा कम्पास एसयुभी जस्तै लाग्ने यो नयाँ थ्री रो एसयुभीको पछाडी भागमा भने नयाँ डिजाइन दिइएको छ । अन्य एसयुभीमा जस्तै यसमा पनि जीपको सिग्नेचर ग्रिल दिइएको छ । मेरिडयनमा १८ इन्चको डायमन्ड कट अलोय ह्विल्स दिइएको छ । जसले यो थ्री रो एसयुभीलाई आकर्षक र स्पोर्टी देखाउन मद्दत गरको छ ।

डुअल टोन थिममा डिजाइन गरिएको यसको इन्टेरियन निकै नै आकर्षक र आरामदायी रहेको छ । जहाँ फराकिलो स्पेस, लेगरुम र हेडरुम पाउन सकिन्छ । यो एसयुभीमा दिइएको दोस्रो लहरको सिटलाई २९ डिग्री र तेस्रो लहरलाई ३२ डिग्रीसम्म झुकाउन सकिन्छ । साथै दोस्रो लहरको सिटलाई फोल्ड गरेर सजिलै तेस्रो लहरमा पुग्न समेत सकिन्छ । पछाडी बस्ने यात्रुको सुबिधाका लागी यसमा एअर व्लोअर र कप होल्डर जस्ता फिचर्स समेत दिइएको छ ।

यो एसयुभीमा जीपले १०.५ इन्चको डिजिटल इन्स्ट्रुमेन्ट क्लस्टर र १०.१ इन्चको टचस्क्रिन इन्फोटेन्मेन्ट सिस्टम उपलब्ध गराएको छ । वायरलेस एप्पल कारप्ले तथा एन्ड्रोइड अटो, प्रिमियम साउन्ट सिस्टम, डुअल जोन क्लाइमेट कन्ट्रोल, ३६० डिग्री सराउन्ड भ्यू क्यामेरा, वायरलेस चर्जिङ, पावर्ड लिफ्टगेट र ८ तरिकाबाट एडजस्ट गर्न मिल्ने सिट जस्ता प्रिमियम फिचर्स समेत उपलब्ध गराइएको छ ।

सुरक्षाका लागी ६० भन्दा बढी एक्टिभ फिचर्स दिइएको यो एमपिभीमा ६ वटा एयर व्याग, टायर प्रेसर मोनिटरिङ सिस्टम, अव्स्टेकल डिटेक्सन र एन्टि पिन्च सेसिंग सेफ्टि सिस्टम समेत उपलब्ध गराइएको छ ।

मेरिडियनमा २.० लिटर फोर सिलिन्डर मल्टिजेट टर्बो डिजेल इन्जिन जडान गरिएको छ । जसको अधिकतम पावर १७० एचपी र टर्क ३५० एनएम रहने बताइएको छ । फ्रन्ट ह्विल ड्राइभ सहितको ६ स्पिड म्यानुअल र ९ स्पिड टर्क कन्भर्टर अटोमेटिक ट्रान्समिसनमा उपलब्ध हुने यो एसयुभीलाई स्यान्ड/मड, स्नो र अटो ड्राइभ मोडमा चलाउन सकिन्छ । प्रतिघन्टा १९८ किलोमिटरसम्मको उच्चतम गतिमा हाक्न सकिने यसले १०.८ सेकेन्डमै एकसय किलोमिटर प्रति घन्टा सम्मको गति पकड्न सक्ने बताइएको छ ।

जीप मेरिडियनले स्कोडा कोडियाक, एमजी ग्लोस्टर र टोयोटा फर्चूनरसंग प्रतिस्पर्धा गर्न सक्ने छ । औपचारिक लन्च पश्चात सो एमपिभी नेपाली बजारमा समेत आउन सक्ने छ ।