जिपको ५०औं वार्षिकोत्सवमा सार्वजनिक भिडियोमा देखियो अन्डरवाटर कार (भिडियो सहित)

अमेरिकी कार निर्माता कम्पनी जिपले यो महिना स्थापनाको ८०औं वर्ष मनाइरहेको छ । यसै सन्दर्भमा हालै एक प्रमोसनल भिडियो सार्वजनिक गरेको छ, जसको अन्त्यमा जिप -यांगलर एसयूभी पुरै पानीभित्र गुडिरहेको देखाइएको छ । हेर्दा यो साइन्स फिक्सन मुभी जस्तो लाग्छ ।

यद्यपि यसरी पानीमा कुनै पनि गाडी गुड्नु पुरै असम्भव भने नहुन सक्छ । इलेक्ट्रिक सवारी साधनलाई इन्टरनल कम्बसन इन्जिन जस्तो काम गर्नका लागि हावा चाहिदैन । यद्यपि यसको भित्र पुरै एयर टाइट भने हुनु आवश्यक छ ।

जिपका फ्यानहरुले पहिले नै यस प्रकारको एसयूभी इन्टरनेटमा भाइरल बनाइसकेका छन् । यही कुरालाई मनन गरी जिपका सीईओ क्रिस्चियन म्युनियरले पनि यो कुराको सम्भावना औल्याएका छन् । द डेट्रोयट न्युजसँगको कुराकानीमा उनले सम्भवतः सन् २०३० पश्चात यो असम्भव नहुने बताएका छन् ।

त्यसैगरी भिडियोमा अन्य धेरै प्राविधिक कार्यहरु देख्न सकिन्छ । यसमा बायोमेट्रिक फेस रिकग्निसन, फुल्ली इलेक्ट्रिक पावरट्रेन, डाइनामिक टायर प्रेसर सिस्टम, पियर टु पियर चार्जिङ, मल्टी पावर पोर्ट, जिप ड्रोन पेयरिङ आदि सन् २०२५ पश्चात नै आउन सक्ने देखाइएको छ ।

त्यसैगरी अटोनोमस अफरोड क्यापाबिलिटी र रिमोट भेइकल ट्रयाकिङ चाहिं २०३० पश्चात आउन सक्ने छ ।

नेपाली बजारमा पनि जिप ब्रान्ड उपलब्ध छ । केही दिन पहिले मात्र नयाँ जिप कम्पास नेपाली बजारमा भित्रिएको छ ।

उक्त भिडियो यो लिंकमा हेर्न सकिन्छ ।