१ लाख ग्राहकमा गरिएको सर्बेक्षणले ईभीबारे निकाल्यो यस्तो निष्कर्ष

जेडी पावरले ईभीमा हालै गरेको गुणस्तर सर्बेक्षणको निष्कर्ष सार्बजनिक गरेको छ । जसअनुसार ईभी धनीले परम्परागत कम्वसन कारको तुलामा उच्च समस्याहरु भोग्नुपरेको बताएका छन् । ९० दिन पहिले गाडी खरिद गरेका करिब १ लाख ग्राहकहरूको प्रतिक्रियालाई आधार मानेर जेडी पावरले यस्तो निष्कर्ष सार्बजनिक गरेको हो ।

२०७ वटा प्रश्नहरुलाई ७ क्याटेगोरीमा विभाजन गरी सम्पन्न गरिएको उक्त सर्बेक्षणमा इन्फोटेनमेन्टदेखि ड्राइभिङ एसिस्टेन्ससम्म र ड्राइभिङ अनुभव सम्म समेटिएको थियो । साथै, पहिलो पटक, सर्वेक्षणले मर्मत भिजिट डेटालाई समेत समावेश गरेको थियो ।

सर्वेक्षणको नतिजा अनुसार १० वटै क्याटेगोरीमा कम्वसन गाडीको तुलनामा ईभी र प्लग–इन हाइब्रिड कारको मर्मतसम्भार जटिल रहेको निष्कर्ष निकालएको हो ।

प्रतिवेदन अनुसार डिजेल र पेट्रोल कारका लागि प्रति १०० सवारी साधन (पीपी १००) मा औसत समस्या १८० पीपी १०० थियो भने ईभीमा २२६ पीपी १०० देखियो । यसैगरी, ईभी प्रयोगकर्ताले कारमा उपलब्ध फिचरका वारेमा समेत गुनासो ब्यक्त गरेका छन् ।

उनीहरुले टेक्नोलोजिका नाममा दिइएका कतिपय फिचर प्रयोगमै नआउने समेत बताए । साथै, कारको ड्राइभिङ एसिस्टेन्स प्रणालीबाट झूटा वा अनावश्यक चेतावनीहरूबाट दिक्क बनेको समेत रिपोर्ट गरे । निराशाको अर्को क्षेत्र इन्फोटेनमेन्ट प्रणाली थियो । ग्राहकहरूले एप्पल कारप्ले र एन्ड्रोइड अटोसँग धेरै कनेक्टिभिटी समस्याहरू रहेको बताए ।