शुक्रबार जावा राइड हुने, राइडमा २५ जना राइडर सहभागी हुँदै

काठमाडौं – जावा मोटरसाइकलको नेपालका लागि आधिकारिक वितरक अग्नि मोटो इंक प्रालिले यही शुक्रबार जावा राइड आयोजना गर्ने भएको छ । राइडमा २५ जना राइडर सहभागी हुने बताइएको छ ।

जावा शोरुम लाजिम्पाटबाट शुरु हुने उक्त राइडमा सहभागी हुन राइडरसँग अनिबार्य जावा मोटरसाइकल हुनुपर्नेछ ।

काठमाडांैको लजिम्पाटस्थित शोरुमबाट शुरु हुने उक्त राइड मुलकोट हुँदै सिन्धुलीसम्म पुग्नेछ । एकरात सिन्धुलीमा बिताएर राइडरहरु शनिबार काठमाडौं फर्किने कम्पनी स्रोतको भनाइ छ ।

राइडमा सहभागी हुन राइडरहरुले आफ्नो नाम दर्ता गर्नुपर्नेछ । यसरी नाम दर्ता गरेपछि राइडमा लाग्ने एकोमोडेसन लगायत सम्पूर्ण खर्च कम्पनी आफैले बेहोर्नेछ ।

यसअघि डे आउट राइड अयोजना गरेको जावाले यस प्रकारको राइडलाई भने नेपालमा पहिलोपटक आयोजना गर्न लागेको हो । यसप्रकारको राइड अयोजना गर्दा राइडर र कम्पनीबीचको सम्वन्ध प्रगाढ बन्ने र राइडरलाई समेत फरक किसिमको अनुभूति मिल्ने कम्पनीको भनाइ छ ।