जावा ४२ बबरको नयाँ भेरिएन्ट सार्बजनिक, यस्तो छ मूल्य र फिचर

जावाले ४२ बबरको नयाँ भेरियन्ट ‘रेड शीन’ लन्च गरेको छ । स्ट्यान्डर्ड बाइकको तुलनामा केही कस्मेटिक परिवर्तन गरिएको उक्त मोटरसाइकलको मूल्य २ लाख २९ हजार ५०० भारु निर्धारण गरिएको छ ।

सो नयाँ भेरिएन्टमा रातो स्ट्राइप र डायमण्ड कट एलोय ह्वीलसहितको क्रोम फ्युल ट्यांक दिइएको छ । बाइकमा टु–स्टेप एडजस्टेबल सिट, यूएसबी चार्जिङ पोर्ट, डिजिटल इन्स्ट्रुमेन्ट कन्सोल र एलईडी लाइटिङ उपलब्ध छ ।

मोटरसाइकलमा जडान गरिएको ३३४ सीसी लिक्विड–कूल्ड, सिंगल–सिलिन्डर इन्जिनले २९.५ बीएचपी पावर र ३० एनएम टर्क जेनेरेट गर्दछ । इन्जिनलाई असिस्ट र स्लिप क्लच मार्फत ६ स्पीड गियरबक्ससँग जोडिएको छ ।

बाइकमा टेलिस्कोपिक फ्रन्ट फोर्क र ७–स्टेप प्रि–लोड एडजस्टेबल रियर मोनो–शक जडान गरिएको छ । नेपाली बजारमा समेत उपलब्ध रहँदै आएको यो ब्रँण्डसंग हाल क्लासिक, पेराक र ४२ मोडल उपलब्ध छन् ।