यस्तो छ भारतमा सार्वजनिक गरिएको जावाको नयाँ बाइक ४२ बबर

जावाले नयाँ बाइक जावा ४२ बबर बाइक भारतीय बजारमा लन्च गरेको छ । सो बाइकको प्रारम्भिक एक्स शोरुम मूल्य २ लाख ६ हजार भारु तोकिएको छ । यसमा बाक्लो र चौडा टायर दिइएको छ । कम्पनीले यसको बुकिङ पनि सुरु गरेको छ ।

जावा ४२ बबरमा २९३ सीसी सिंगल सिलिन्डर इन्जिन जोडिएको छ, जसले २७ बीएचपीको पावर र २७.०५ एनएमको टर्क जेनेरेट गर्छ । सो इन्जिन ६ स्पिड गियरबक्ससँग जोडिएको छ । यस बाइकलाई बबर लुक दिन फेन्डरलाई फरक लुक दिइएको छ । क्लासिक लिजेन्ड्सका सीईओ आशिष जोशीले युवाहरुलाई जावा ४२ बबरमा आधुनिक रेट्रो बाइकको अनुभव दिने प्रयास गरेको जानकारी दिएका छन् ।

जावा ४२ बबरको पछाडि सामान राख्न सानो लगेज ¥याक, नयाँ लुक, हेडलाइट र इन्स्ट्रयुमेन्ट दिइएको छ । साथै राइडिङको लागि यसमा एबीएस क्यालिब्रेसनमा पनि सुधार गरिएको छ । जावा ४२ बबरमा एलसीडी डिस्प्लेको साथमा चारैतिर एलईडी लाइटिङ दिइएको छ । यसको टेलल्याम्प जावा पेराकमा भन्दा फरक डिजाइन गरिएको छ ।