जापान सरकारद्वारा नेपाल एम्बुलेन्स सर्भिसलाई ६ वटा निशान एम्वुलेन्स हस्तान्तरण

जापान सरकारले आज नेपाल एम्वुलेन्स सर्भिसलाई ९ करोड बढी मूल्य पर्ने ६ वटा निशान एम्वुलेन्स हस्तान्तरण गरेको छ । जापान सरकारले अनुदानमा उपलब्ध गराएको यी एम्बुलेन्सलाई स्वास्थ्य मन्त्रि उमेश श्रेष्ठको रोहबरमा हस्तान्तरण गरिएको हो । जापनिज अटोमेकर निशानले उत्पादन गरेको महंगो एसयुभी पट्रोलको यो एम्बुलेन्स अत्याधुनिक र सुबिधासम्पन्न बिशेषतायुक्त छ ।

निशान पट्रोल एसयुभीको मुल्य नेपाली बजारमा २ करोड ५१ लाख रुपैयाँ पर्छ । नेपालमा पायोनियर मोटोकर्पले निशान गाडीको बिक्रीबितरण गर्दै आइरहे पनि यी एम्बुलेन्सलाई भने सिधै जापानबाट मगाइएको हो ।

पट्रोल एसयुभीका नामले बिक्री हुँदै आइरहेको यो एम्बुलेन्समा ३ हजार सिसी क्षमताको इन्जिन जडान गरिएको छ । यसको अधिकतम पावर ११० किलोवाट र टर्क ३७१ एनएम रहेको छ । यो म्यानुअल र अटोमेटिक दुबै ट्रान्समिसनमा उपलब्ध छ । ठूलो इन्जिन, उच्चतम पावर तथा टर्क र २१५ एमएमको ग्राउन्ड क्लिरियन्सका कारण यो एम्बुलेन्स नेपाली सडकका लागी निकै नै उपयुक्त हुने देखिएको छ ।