इटालिका मोटोको एउटै मोटरसाइकलमा बढ्यो ७० हजार रुपैयाँसम्मले मूल्य

क्रसफायर तथा इटालिका मोटोको नेपालका लागी आधिकारिक बितरक क्लासिक ह्विल्स एक्सपोर्ट एन्ड इम्पोर्ट प्रालिले सो ब्रान्डको नेपाली बजारमा उपलब्ध बिभिन्न स्कुटर र मोटरसाइकलको मूल्य बढाएको छ ।

नयाँ मूल्य सूची अनुसार फमूर्ला १५० स्कुटरको मूल्य १५ हजार रुपैयाँले बृद्धि गरिएको छ । यसअघि ३ लाख २० हजार रुपैयाँमा बिक्री हुँदै आइरहेको यो स्कुटरको नयाँ मूल्य ३ लाख ३५ हजार रुपैयाँ पुगेको हो ।

भिन्टेज टाइपको क्याफे रेसर स्टालियन २५० मा ६० हजार र क्रुजर वाइक नेभदामा ७० हजार रुपैयाँले बढाइएको छ ।
यसअघि ५ लाख ८५ हजार रुपैयाँमा करोबार हुँदै आएको स्टालियन २५० को नयाँ मूल्य ६ लाख ४५ हजार रुपैयाँ पुगेको छ भने ५ लाख ९५ हजार रुपैयाँमा बिक्री हुँदै आएको नेभदाको नयाँ मूल्य ६ लाख ६५ हजार रुपैयाँ पुगेको छ ।