ट्रकको पछाडि लेखिएको ट्रक साहित्यको फोटो खिच्दा आइफोन जित्ने अवसर

काठमाडौं – अशोक लेल्यान्ड गाडीको नेपालका लागि आधिकारिक वितरक आईएमई मोटर्सले ट्रक साहित्यको तस्बिर पठाउदा आइफोन र अन्य विभिन्न उपहार प्राप्त गर्न सकिने अफर ल्याएको छ ।

आफ्नो ट्रकको पछाडि लेखिएको ट्रक साहित्यको तस्बिर ह्वाट्सएप वा भाइबरमार्फत मोबाइल नम्बर ९८०११०९१३८ मा पठाउनु पर्नेछ ।

हाल निषेधाज्ञाको समयमा घरैमा बसेको समयमा आफ्नो ट्रकमा लेखिएका विभिन्न मननयोग्य साहित्यहरुको तस्बिर जसले पनि खिचेर पठाउन सक्ने भएकाले यस्तो अफर ल्याइएको आईएमई मोटर्सको भनाइ छ ।

यसका लागि विभिन्न नियमहरु समेत बनाइएको छ । जुनसुकै ब्रान्डको ट्रकमा भएका साहित्यलाई समावेश गर्न सकिने छ । त्यसैगरी अशोक लेल्यान्डको फेसबुक पेज पनि अनिवार्य रुपमा लाइक गरिएको हुनु पर्नेछ ।

ट्रकको पछाडि विभिन्न प्रकारका मन छुने भनाइ र रमाइला व्यंग्य तथा सायरीहरु लेखेको पाइन्छ । यसलाई नै ट्रक साहित्य भन्ने चलन छ । यसको बढ्दो लोकप्रियतालाई धेरैले मनन गरेको पाइन्छ ।