भारतको स्टार्ट अप कम्पनीले ५०० किलोमिटर रेन्ज दिने इलेक्ट्रिक एसयूभी सार्वजनिक गर्दै

भारतको स्टार्टअप कम्पनी प्रभेगले एक महिना ८ दिनपछि अर्थात नोभेम्वर २५ का दिन ५०० किलोमिटर रेन्ज दिने इलेक्ट्रिक एसयूभी सार्वजनिक गर्ने भएको छ । वेंगलुरुमा अवस्थित यो कम्पनीले यसको टिजर भिडियो सार्वजनिक गरिसकेको छ । उक्त भिडियोलाई आधार मान्दा कम्पनी छिट्टै उत्पादनमा जान तयारी अवस्थामा रहेको अनुमान लगाउन सकिन्छ ।

२ वर्षअघि इलेक्ट्रिक सेडानलाई शोकेस गरेर चर्चामा आएको प्रभेगले ल्याउन लगेको यो नयाँ एसयूभीले सिंगल चार्जमा ५०० किलोमिटर बढी रेन्ज प्रदान गर्ने दावी गरिएको छ । यो एसयूभीलाई २०० किलोमिटर प्रतिघण्टाको उच्च गतीमा हाँक्न सकिने जनाइएको छ ।

विस्तृत विवरणहरु वाहिर आइनसके पनि यसमा पिएम २.५ एयर फिल्टरेसन सिस्टम, प्रिमिय साउन्ड सिस्टम र अन्य थुप्रै प्रिमियम एवं अत्याधुनिक विशेषता उपलब्ध हुने आँकलन गरिएको छ । एक महिनापछि सार्वजनिक भएसंगै यो नयाँ इलेक्ट्रिक एसयूभीका वारेमा यथेष्ट जानकारीहरु वाहिर आउने कम्पनीले जनाएको छ ।