भारतमा निर्मित टोयोटा कारलाई सेफ्टि टेष्टमा शून्य स्टार रेटिङ

भारतमा निर्मित टोयोटा स्टारलेटले ग्लोवल एनक्यापको क्र्यास टेष्टमा शून्य स्टार रेटिङ प्राप्त गरेको छ । यस एसयूभीलाई भारतमा ग्लान्जा नामले बिक्री गरिँदै आएको छ ।

कारले वयस्क यात्रु सुरक्षाको लागि शून्य अंक र बाल यात्रु सुरक्षाको लागि कुल ४९ मा जम्मा २९.३३ अंक प्राप्त गरेको हो । ग्लोबल एनक्यापद्वारा प्रकाशित परीक्षण रिपोर्ट अनुसार, स्टारलेटले अगाडिको इम्प्याक्ट परीक्षणमा चालकको टाउकोलाई पर्याप्त सुरक्षा र यात्रुको टाउकोलाई राम्रो सुरक्षा प्रदान गरेको थियोृ ।

साइड इम्प्याक्ट परीक्षणमा, टाउको र छातीले कमजोर सुरक्षा देखाएपनि पेटले भने पर्याप्त सुरक्षा देखाएको थियो । कारलाई साइड पोल इम्प्याक्ट टेस्ट गरिएको थिएन ।

३ वर्षको बच्चाका लागि गरिएको परिक्षणमा बच्चाको सिटले भित्री भागसँग टाउकोको सम्पर्क रोक्न सकेन । अगाडिको इम्प्याक्ट परीक्षणमा छातीले कम सुरक्षा देखाएको उल्लेख गरिएको छ ।

परीक्षण कारमा डुअल एयरब्याग, सिट बेल्ट प्रिटेन्सनर, लोड लिमिटर, सिट बेल्ट रिमाइन्डर, इलेक्ट्रोनिक स्ट्याविलिटी कन्ट्रोल र आईएसओफिक्स जस्ता फिचर उपलब्ध गराइएको थियो ।