८० प्रतिशत फाइनान्समा दोस्त एलसीभी लिन सकिने, ३ ईएमआई फ्रि

काठमाडौं – अशोक लेल्यान्ड गाडीको नेपालका लागि आधिकारिक वितरक आईएमई मोटर्सले ‘आईएमई स्वरोजगारी अभियान’ को घोषणा गरेको छ ।

यस अन्तर्गत विना धितो कुनै पनि एलसीभी वा दोस्त सिरिजको गाडी ८० प्रतिशत सम्मको फाइनान्स सुविधामा खरिद गर्न सकिने छ । त्यसैगरी आकर्षक ब्याजदरमा प्राप्त हुने सो सुविधामा ग्राहकले ३ महिना सम्म ईएमआई तिर्नु नपर्ने व्यवस्था समेत हुनेछ ।

हाल ड्राइभिङ पेशामा संलग्न रहेका, तर आफ्नो कार्यबाट सन्तुष्ट नभएका र आफ्नै व्यवसाय संचालन गर्न चाहने व्यक्तिहरुलाई लक्ष्यित गरेर यो योजना ल्याइएकाले यसलाई ‘गुरुजीबाट साहुजी’ योजना भनिएको छ ।

त्यसैगरी विदेशबाट फर्केका र आफैले केही व्यवसाय गर्न चाहनेहरुका लागि पनि यो योजना लाभदायी हुनेछ । कुनै कारणबस जागिर छुटेको र आफै केही गर्न चाहने तथा हाल भइरहेको आफ्नो व्यवसायलाई विस्तार गर्न चाहनेहरुका लागि समेत यो योजना लाभदायक हुनेछ ।

यो अफर सीमित संख्यामा उपलब्ध हुने दोस्त एलसीभीका लागि उपलब्ध हुनेछ । दोस्त एलसीभी नेपाली बजारमा उपलब्ध सबैभन्दा राम्रो र धेरै माइलेज दिने एलसीभी भएको कम्पनीको दाबी छ । देशभर २० आधिकारिक वर्कशप आउटलेटमार्फत बलियो ग्राहक सेवा प्रदान गर्दै आइरहेको अशोक लेल्यान्ड गाडीका पार्ट्स पनि सहजताका साथ पाउन सकिन्छ ।

अफर सार्वजनिक गर्दै आईएमई मोटर्सका सीईओ हेमन्त पुरानिकले भने, ‘सबै ड्राइभर र बेरोजगार व्यक्तिहरुका लागि यो एउटा सुवर्ण मौका हो, जसले आफ्नै ढुवानी व्यवसाय गरेर मालिक बन्न चाहनुहुन्छ । ८० प्रतिशत सम्मको फाइनान्स सुविधा र ३ ईएमई फ्रिको व्यवस्था हाल उपलब्ध सबैभन्दा राम्रो अफर हो, जुन जिन्दगीमा एक पटक मात्र आउछ । तपाईको प्रगति, हाम्रो चाहना भन्ने थिमसँग यसको संयोजन मिलेको छ । यो अफर केही गाडीमा मात्र उपलब्ध हुने भएकाले गाडी बुकिङ गरेर अफरको फाइदा लिन म हार्दिक अनुरोध गर्दछु ।’

आफ्नो नजिकै रहेको अशोक लेल्यान्डको सोरुममार्फत वा ९८०२०५७०७० मा कल गरेर गाडी बुकिङ गर्न सकिने कम्पनीको भनाइ छ ।