दोस्त मिनी पीकअपमा आईएमई मोटर्सको नयाँ अफर, यस्ता छन् सुविधा

काठमाडौं– अशोक लेल्यान्डको मिनी पीकअप दोस्तमा नयाँ अफर आएको छ । नेपालका लागि आधिकारिक वितरक आईएमई मोटर्सले दोस्त गाडी खरिद गर्ने ग्राहकका लागी ‘दोस्तको हात, ५ वर्षको साथ’ अफर ल्याएको हो ।

सो अफर अन्तर्गत दोस्त गाडी खरिद गर्ने ग्राहकले ५ वर्षको सवारी कर निशुल्क पाउनेछन् । यसैगरी ५ वर्षको ५० लाखसम्म बीमा, ५ वर्षको फाइनान्स सुविधा, ५ वर्षको मर्मतसम्भार खर्च र ५ वर्षको वारेन्टि सुबिधा प्राप्त गर्नेछन् । यो अफरले ग्राहकलाई ५ वर्षसम्म ढुक्क भएर दोस्त गाडी चलाउन सक्ने अवसर प्रदान गरेको कम्पनीले जनाएको छ ।

नेपाली बजारमा अशोक लेल्यान्डका दोस्त एफएसडी, दोस्त स्ट्रोङ एफएसडी, दोस्त एचएसडी, दोस्त कन्टेनर र दोस्त रेफ्रिजेरेटर लगायतका विभिन्न मोडलका पिकअप बिक्रीका लागि उपलब्ध छन् ।