आईएमई मोटर्सको लोन मेला सुरु

काठमाडौं – अशोक लेल्यान्डको आधिकारिक वितरक आईएमई मोटर्सले ग्राहकहरुलाई लक्षित गरी लोन मेला सुरु गरेको छ ।

काठमाडौं, नेपालगञ्ज, जीतपुर, इटहरी र बर्दिबासमा आइतबारदेखि लोन मेला सुरु गरेको हो । यो मेला ४ असोजसम्म सञ्चालन हुने कम्पनीले जनाएको छ ।

कम्पनीले विर्तामोड, बुटवल, धनगढी, हेटौंडा, पोखरा र दाङमा आगामी असोज ६ र ७ गते मेला आयोजना गर्नेछ । ग्राहक लक्षित अफर सहित यस प्रकारको फाइनान्स सुविधा पनि कम्पनीले आफ्ना ग्राहकहरुलाई दिँदै आइरहेको छ ।

आईएमईले अशोक लेल्यान्डका साना गाडी दोस्त, ट्रक, टिप्पर साथै बसहरुमा यो सुबिधा उपलब्ध हुनेछ । नेपालभरका सम्पूर्ण शाखाहरुबाट यो सुविधा लिन सकिने कम्पनीको भनाइ छ ।

मेलामा अशोक लेल्यान्ड गाडीहरुका लागि कम ब्याजदरमा अधिकत्तम फाइनान्स सुविधासहित स्थलगत निर्णय गरिने कम्पनीले बताएको छ ।