नारी दिवसको अवसरमा आइएमई अटोमोटिभ्सले महिलालाई निशुल्क तालिम दिने

एक्सर्ट्स हेभी इक्विपमेन्टको नेपालका लागी आधिकारिक वितरक आईएमई अटोमोटिभ्सले महिला सशक्तिकरणका लागी नयाँ अभियान सुरु गरेको छ । अन्तराष्ट्रिय नारी दिवसको अवसर पारेर सुरु गरिएको यस अभियानको एक भागका रुपमा १५ जना महिलालाई निशूल्क तालिम प्रदान गरिने कम्पनीले वताएको छ । जसमा सैद्धान्तिक र व्यावहारिक सत्रहरु समावेश हुनेछन् ।

तालिमले महिलालाई व्याक हो लोडर चलाउने सीप हासिल गर्न र सवारी साधनको इजाजतपत्र प्राप्त गर्न सहयोग गर्ने वताइएको छ । तालिमप्राप्त महिलाले सम्वन्धित क्षेत्रमा रोजगारी पाउन सहज हुने कम्पनीले विश्वास लिएको छ । पुरुष प्रधान क्षेत्रमा महिलाहरुले पनि केही नयाँ काम गर्न सक्छन भनेर उनीहरुलाई तालिम प्रदान गर्न लागिएको कम्पनीका प्रमुख कार्यकारी अधिकृत हेमन्त पुराणिकले वताए ।

अभियानका वारेमा उनले भने ‘निर्माण उद्योगमा महिलाहरुले महत्वपूर्ण भूमिका खेल्न सक्छन भन्ने हाम्रो विश्वास छ । महिलालाई सशक्तिकरण गर्न र उनीहरुलाई सफल हुन आवश्यक पर्ने उपकरणहरु उपलव्ध गराउन हामी लागिपरेका हौ ।’

प्रशिक्षण कार्यक्रम सवै उमेर र पृष्ठभूमिका महिलाका लागी खुल्ला गरिएको उनको भनाई छ । तालिमको अन्त्यमा सहभागीहरुले पूर्णताको प्रमाणपत्र प्राप्त गर्नेछन् । जसलाई आधार मानेर राजगारदाताले उनीहरुलाई अवसर प्रदान गर्नेछन् ।