हुन्डाई भर्ना फेसलिफ्ट लन्चको तयारीमा, स्कोडा र होन्डाका सेडानमाथि चुनौती बढ्ने संकेत

हुन्डाई मोटरले आफ्नो लोकप्रिय मिड साइज सेडान भर्नाको फेसलिफ्ट संस्करण लन्च गर्ने तयारी गरेको छ । रिपोर्टका अनुसार हुन्डाई भर्ना फेसलिफ्ट हाल परीक्षण चरणमा रहेको छ र हालै यो दक्षिण कोरियामा देखिएको हो, जसले भारतमा यसको लन्च नजिकिँदै गएको अनुमान गरिएको छ ।

परीक्षणका क्रममा कारको अगाडिको बम्पर, पछाडिको बम्पर र ड्यासबोर्ड पूरै ढाकिएको देखिएकाले यी भागहरूमा महत्वपूर्ण डिजाइन परिवर्तन हुने संकेत देखिएको छ । यसले कारको बाहिरी स्वरूप मात्र होइन, भित्री क्याबिनमा पनि नयाँपन ल्याइने अनुमान गरिएको छ ।

हुन्डाईले अहिलेसम्म आधिकारिक रूपमा फेसलिफ्ट भर्नाका फिचर विवरण सार्वजनिक नगरे पनि यसमा नयाँ डिजाइनका हेडलाइट र टेल ल्याम्प, अपडेट गरिएको स्क्रिन सेटअप, तथा अगाडि र पछाडि पुनः डिजाइन गरिएका बम्परहरू समावेश हुने अपेक्षा गरिएको छ। साथै, इन्टेरियरमा थप आधुनिक सुविधाहरू र टेक्नोलोजी अपग्रेड हुन सक्ने सम्भावना रहेको छ ।

रिपोर्टका अनुसार फेसलिफ्ट हुन्डाई भर्नामा हाल उपलब्ध १.५ लिटर पेट्रोल र १.५ लिटर डिजेल इन्जिन हुने अनुमान गरिएको छ ।

हुन्डाईले भर्ना फेसलिफ्टको लन्च मितिबारे अहिलेसम्म कुनै आधिकारिक जानकारी दिएको छैन। यद्यपि सो कार सन् २०२६ को मध्यतिर भारतीय बजारमा लन्च हुने सम्भावना रहेको छ । नयाँ हुन्डाई भर्नाले स्कोडा स्लाभिया, होन्डा सिटी र फक्सवागन भर्टस जस्ता कारसँग प्रतिस्पर्धा गर्ने निश्चित देखिएको छ ।