हुन्डाईले एक्सटरभन्दा सानो एसयूभी लन्च गर्ने

हुन्डाईले भारतमा एक्सटर भन्दा सानो एसयूभी ल्याउने तयारी गरिरहेको छ । यसको लागि कम्पनीले नयाँ एसयूभी क्यास्परको ट्रेडमार्क दर्ता पनि गरिसकेको छ ।

हुन्डाईले सन् २०२१ देखि यो सानो क्यास्पर एसयूभी उत्पादन गर्दै आएको छ र विश्वव्यापी बजारमा बिक्री भइरहेको छ । सो कारको लम्बाइ करिब ३.६ मिटर रहेको छ । हुन्डाई क्यास्पर इलेक्ट्रिक के१ प्लेटफर्ममा आधारित हुनेछ।

सो क्याप्सर एसयूभीमा ग्राण्ड आई १०, एक्सटर र आईसी इन्जिन उत्कृष्ट आर्किटेक्चर प्रयोग गरिएको छ । क्यास्पर एसयूभी ग्वाङ्जु ग्लोबल मोटर्सले हुन्डाई र ग्वाङ्जु सरकारको बिचमा संयुक्त रूपमा निर्माण गर्नेछ।

विश्वव्यापी बजारमा क्यास्पर इलेक्ट्रिक र इन्धन दुवै भेरिएन्टमा बिक्री भइरहेको छ, हालको क्यास्परमा प्राकृतिक रूपमा एस्पिरेटेड र टर्बोचार्ज्ड १.० लिटर, सिलिन्डर स्मार्ट स्ट्रिम पेट्रोल इन्जिन छ। सो इन्जिनले १०० एनएम टर्क र ६७ पीएस पावर उत्पादन गर्छ।

दक्षिण कोरियामा हुन्डाई क्यास्पर १.० लिटर एनए पेट्रोल र १.० लिटर टर्बो पेट्रोल इन्जिन विकल्पमा उपलब्ध छ। यसको पावर आउटपुट क्रमशः ८५ बीएचपी र ९९ बीएचपी छ । क्यास्परले भारतमा एनए पेट्रोल इन्जिन पाउने अपेक्षा गरिएको छ। दुवै म्यानुअल र एएमटी गियरबक्स विकल्प उपलब्ध हुनेछ।

हालको क्यास्परको लम्बाइ ३५९५ एमएम, उचाइ १५७५ एमएम र चौडाइ १५९५ एमएम छ। नयाँ कारको एक्सटेरियर नयाँ ग्रिल सेक्शन, नयाँ अलोय ह्विल, रियर बम्पर र अगाडि अपडेट गर्न सकिनेछ। साथै नयाँ हेडल्याम्पसँगै एडीएएस र एयर ब्याग जस्ता फिचर पनि हुने सम्भावना रहेको छ । समग्रमा यो आईसीइ क्यास्परसँग मिल्दोजुल्दो हुनेछ ।

क्यास्परको सानो आकारका कारण यसलाई भारतमा लन्च गरिएको थिएन र यसको सट्टा अर्को एसयूभी एक्सटर बजारमा ल्याइएको थियो। यद्यपि कम्पनीले अहिलेसम्म पनि भारतमा यसको लन्च मितिबारे कुनै स्पष्ट जानकारी दिएको छैन ।