नेक्स्ट–जेन क्रेटा २०२७ मा आउने, डिजाइनसंगै कम्फर्ट र सेफ्टि फिचर अपडेट हुने

हुन्डाईले २०२७ मा भारतमा अर्को पुस्ताको क्रेटा लन्च गर्ने योजना बनाएको छ । पछिल्लो रिपोर्ट अनुसार, कम्पनीले एसएक्स–३ कोडनेम दिएर तेस्रो–जेनरेशन क्रेटा विकास गर्न थालिसकेको छ ।

सन् २०१५ पहिलोपटक लन्च भएको क्रेटालाई हुन्डाइले नियमित रूपमा अपडेट गर्दै आएको छ । गत वर्ष यसको दोस्रो जेनरेशनको फेसलिफ्ट भर्सन लन्च गरिएको थियो । कम्पनीले हालै यसको ईभी भर्सन समेत ल्याएको छ । जुन छिट्टै नेपाली बजारमा लन्च हुने तयारीमा छ ।

तेस्रो–जेनेरेशन क्रेटाको सही विवरण सार्बजनिक नभएपनि यसले डिजाइन अपडेट बाहेक कम्फर्ट र सेफ्टि फिचर लगायत सुबिधाहरु नयाँ पाउने अनुमान गरिएको छ ।

नयाँ क्रेटामा पनि अहिलेकै इन्जिन प्रयोग हुने अपेक्षा गरिएको छ । क्रेटामा १.५ लिटर पेट्रोल, १.५ लिटर टर्बो पेट्रोल र १.५ लिटर डिजेल इन्जिन म्यानुअल वा अटोमेटिक ट्रान्समिसनसँग जोडिएको छ । साथै, नयाँ जेनेरेशनले स्ट्रङ–हाइब्रिड अप्सन समेत पाउन सक्ने अनुमान गरिएको छ ।