हुन्डाईले भारतमा लेभल २ एडास फिचर भएको ईभी उत्पादन गर्ने

कोरियन अटो निर्माता हुन्डााईले २०२७ सम्ममा लेभल २ एडास फिचर भएको नयाँ ईभीलाई भारतमै उत्पादन गर्ने घोषणा गरेको छ । हुण्डाईले हालै आगामी ५ वर्षको लागि आफ्नो उत्पादन योजना घोषणा गर्दै यसवारे जानकारी दिएको हो ।

कार निर्माताले पाइपलाइनमा २६ नयाँ मोडल रहेको र यसमा मेड–इन–इन्डिया ईभी पनि समावेश रहेको जनाएको छ । सो नयाँ ईभी ब्रान्डको एन्ट्री–लेभल मोडल हुने र केही उच्च–प्रविधि सुविधाहरूले सुसज्जित हुने बताइएको छ ।

एक प्रस्तुतिकरणमा हुन्डाईले नयाँ कार इलेक्ट्रिक कम्प्याक्ट एसयुभी हुने र ओटिए कन्ट्रोल सहितको उन्नत इन्फोटेनमेन्ट प्रणाली जडान गरिने जनाइएको छ । कारमा पार्किङ एसिस्ट सहित लेभल २ एडास समेत उपलब्ध हुनेछ ।

नयाँ ईभी ई–जिएमपी(के) प्लेटफर्ममा आधारित हुनसक्ने अनुमान गरिएको छ, जुन हुन्डाई इन्स्टरमा आधारित हुन सक्नेछ । सही प्राविधिक विवरणहरू अझै स्पष्ट नभए पनि सो नयाँ ईभी दुई ब्याट्री अप्सनमा उपलब्ध हुने खुलासा गरिएको छ ।