हाइब्रिड इन्जिन र थप प्रिमियम सुविधासहित नयाँ पुस्ताको हुन्डाई क्रेटा २०२७ मा आउँदै
हुन्डाईले भारतीय बजारमा क्रेटा एसयूभीको नयाँ पुस्ता नयाँ फिचरसहित लन्च...
कोरियाली कार उत्पादक हुन्डाई मोटरको ब्रान्ड भ्यालु २३ अर्ब अमेरिकी डलर पुगेको छ । इन्टरब्रान्डका अनुसार हुन्डाई मोटर ग्रुप विश्वको ३०औँ मुल्यवान कम्पनीमा परेको छ । इन्टरब्रान्ड ग्लोबल ब्रान्ड कन्सल्टिङ फर्म हो । यसले हरेक वर्ष बहुराष्ट्रिय कम्पनीहरूको मूल्यांकन गर्दै आएको छ ।
हुन्डाई मोटरले पछिल्लो ५ वर्षमा आफ्नो ब्रान्ड भ्यालु ६३ प्रतिशतले वृद्धि गर्दै ३६औँ स्थानबाट ३०औँ स्थानमा आउन सफल भएको हो । हुन्डाई मोटरको लक्ष्य ‘प्रोग्रेस फर ह्युम्यानिटी’ अन्तर्गत रहेर कम्पनीले ब्रान्ड भ्यालु बढाउन विभिन्न कामहरू गरेको जनाएको छ ।
यो ग्रुपले उत्पादन गरेका कारहरु विश्व बजारमा निकै लोकप्रिय मानिन्छन् । साथै, विभिन्न मोडलले विश्वका प्रतिष्ठित अवार्ड समेत हात पारेका छन् । कम्पनीले उत्पादन गरेको विद्युतिय कार आयोनिक फाइभ एनले वल्र्ड कार अवार्ड २०२४ मा वल्र्ड पर्फमेन्स कारको उपाधी पाएको थियो ।
हुन्डाई मोटरले ब्रान्डमा उपभोक्तालाई अनुबन्धिन गराइ राख्न आर्चरी र फिफा वल्र्ड कपजस्ता खेलकुद क्रियाकलापहरूमा स्पोन्सर गर्दै आएको छ ।कम्पनीले आफ्नो उत्पादन र सर्भिसलाई सफ्टवेर र एआईसँग जोडेर सहज बनाइरहेको छ । हुन्डाई मोटरले मोबिलिटी इकोसिस्टम निर्माणमा गेम चेन्जर हुनेगरी काम गरिरहेको जनाएको छ ।
नेपाली बजारमा हुन्डाईका क्रेटा, ग्रान्ड आइटेन, टुसान, प्यालेसिडलगायत आईसी इन्जिन कार तथा आयोनिक ५ र कोना ईभी बिक्री हुँदै आएको छ । त्यस्तै भेन्यू भने नेपालमै एसेम्बल भएर बिक्री भइरहेको छ । कम्पनीले अब छिट्टै क्रेटा र आइटेन एसेम्बल गर्ने तयारी गरेको छ ।
दैनिक जीवनमा आवतजावत गर्न बाइकको प्रयोग आवश्यक भइसकेको छ । बाइकमा यात्रा...
हरेक सवारी साधन धनीले कुन समयमा सवारी साधनको कर तिर्ने भन्ने कुरा थाहा...
काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...