हुन्डाइले आयोनिक ६ लाई कोरियामा गर्यो लन्च, टेस्ला मोडल ३ संग प्रतिस्पर्धा हुने

हुन्डाई मोटर्सको वहु प्रतिक्षित इलेक्ट्रिक कार आयोनिक६ आज कोरियामा लन्च भएको छ । इलेक्ट्रिक ग्लोवल मोडुलर प्लेटफर्ममा निर्माण गरिएको यो कारले अमेरिकन ब्रान्ड टेस्लाको सर्वाधिक विक्री हुने सेडान कार मोडल वाईसंग प्रतिस्पर्धा गर्ने देखिएको छ । यो प्लेटफर्मममा हुन्डाईले यसअघि आयोनिक ५ लाई निर्माण गरिसकेको छ ।

आयोनिक ६ मा ७७.४ किलोवाट आवरको व्याट्री प्याक जडान गरिएको छ । जसको अधिकतम पावर ३२० एचपी र टर्क ६०५ एनएम रहेको छ । यो कारलाई एकपटक फूल चार्ज गर्दा ६१० किलोमिटर यात्रा गर्न सकिने दावी गरिएको छ ।

यो नयाँ कारमा अत्याधुनिक प्रविधी र विशेषता दिइएको छ । यसमा १२ इन्चको इन्फोटेन्मेन्ट सिस्टम, फ्लोटिङ डिस्पले, धेरै स्थानमा टाइप सी र टाइप ए यूएसवी पोर्ट, एन्ड्रोइड अटो र एप्पल कार प्ले सपोर्ट, ६४ कलरको एम्विएन्ट लाइट र लक्जरी सिट उपलब्ध गराइएको छ ।

इलेक्ट्रिक कारको निर्माणमा आक्रमक देखिएको कियाले सन् २०३० सम्ममा ३१ भन्दा बढी नयाँ इलेक्ट्रिक कार लन्च गरिसक्ने उद्घोष गरेको छ । जसका लागी उसले कोरीयामै २० अर्व भन्दा बढी यूरो लगानी गरेर इभी डेडिकेटेड प्लान्ट निर्माणलाई अघि बढाइसकेको छ भने अमेरिकामा व्याट्री सहित निर्माण गर्ने अर्को प्लान्ट अघि बढाएको छ ।