हुन्डाईको आयोनिक ब्रान्ड चीन प्रवेश, दुई नयाँ कन्सेप्ट सार्बजनिक

हुन्डाई मोटरले आफ्नो इलेक्ट्रिक ब्रान्ड आयोनिक चीन प्रवेश गरेको औपचारिक घोषणा गरेको छ । चीन प्रवेशको औपचारिक घोषणासंगै कम्पनीले दुई नयाँ इनर्जी कन्सेप्ट भेनस र अर्थलाई ग्लोवल डेब्यू गरेको छ ।

आगामी बेइजिङ अटो शो २०२६ मा आयोनिकले चिनियाँ बजारका लागि विशेष रूपमा डिजाइन गरिएको आफ्नो पहिलो कार सार्बजनिक गर्ने तयारी गरेको छ । साथै, कम्पनीले आगामी तीन वर्षमा एसयूभी र कूपे डिजाइनका मध्यमदेखि ठूला सेग्मेन्ट समेट्ने ब्याट्री इलेक्ट्रिक र एक्स्टेन्डेड रेन्ज इलेक्ट्रिक भेइकलको ठूलो रेन्ज रोल आउट गर्ने योजना बनाएको छ ।

हुन्डाईले हाल आफ्नो ई–जीएमपी प्योर इलेक्ट्रिक प्लेटफर्ममा आयोनिक ५, आयोनिक ६ र आयोनिक ९ जस्ता मोडल उत्पादन गर्दै आएको छ । आयोनिक सिरिज विश्वभर ५ लाख ५० हजार युनिट बिक्री भइसकेको कम्पनी भनाई छ ।