हुन्डाईको इलेक्ट्रिक कार किन्दा वासिङ मेसिन उपहार

हुण्डाई गाडीको नेपालका लागि आधिकारिक विक्रेता लक्ष्मी इन्टरकटिनेन्टल प्रालिले आफ्नो विद्युतिय गाडी कोना र आयोनिक ५ को खरिदमा नयाँ अफर सार्वजनिक गरेको छ ।

‘वान मोर रिजन टु गो इलेक्ट्रिक’ नारा सहित आएको यो योजनामा हुण्डाईको विद्युतिय गाडी कोना र आयोनिक ५ को खरिदमा उत्कृष्ट जर्मन अन्तर्राष्ट्रिय ब्रान्ड वोस्कको वाशिङ् मेशिन उपहार प्राप्त गर्न सक्नेछन् । अहिलेको आवश्यकता अनुरुप विद्युतिय गाडीहरुको प्रयोगमा वृद्धि ल्याउनुका साथै आफ्नो उत्कृष्ट उत्पादनहरुको प्रवर्धन गर्न यो योजना सार्वजनिक गरेको कम्पनीले जनाएको छ्र ।

विद्युतिय गाडीहरूको प्रयोगलाई प्रोत्साहन गर्न लक्ष्मी इन्टरकन्टिनेन्टल प्रा.लि.ले आक्रामक रूपमा चार्जिङ स्टेसनहरुको निर्माण गरिरहेको छ । विद्युतिय गाडीको विक्रीवितरणका लागी कम्पनीले थापाथलीमा नेपालको एक मात्र विद्युतिय गाडीको एक्सक्लुसिभ शोरूम संचालन गर्दै आइरहेको छ ।

कम्पनीले देशभरका १७ डिलर र १९ सर्भिस सेन्टरहरू सहित ४० वटा चार्जिङ्ग स्टेशन मार्फत नेपालभरी आफ्ना ग्राहकलाई सेवा उपलब्ध गराउँदै आएको छ ।