४५ किलोवाट आवर ब्याट्री र १३८ एचपी मोटर क्षमता सहित हुन्डाई क्रेटा अब ईभीमा आउने,

हुन्डाईले लोकप्रिय एसयूभी क्रेटालाई ईभी भर्सनमा ल्याउने भएको छ । युनिक डिजाइन इलिमेन्ट सहित उपलब्ध हुने समाचार सार्वजनिक भएको केही दिनमै यसको पावरट्रेन र ब्याट्री प्याकको वारेमा समेत थप तथ्य सार्वजनिक भएको छ ।

क्रेटा ईभीमा ४५ किलोवाट आवरको ब्याट्री प्याक हुनेछ । हुन्डाईलाई लिथियम–आयोन ब्याट्री प्याक ग्लोबल रुपमा उपलब्ध गराइरहेको सप्लायर एलजीकेमले सो ब्याट्री उपलब्ध गराउनेछ ।

आईसीई इन्जिनमा उपलब्ध क्रेटाकै प्लेटफर्मलाई केही मोडिफिकेसन गरेर क्रेटा ईभीको प्लेटफर्म बन्ने छ ।

यसमा प्रयोग गरिने इलेक्ट्रिक मोटर भने हाल विश्वव्यापी रुपमा उपलब्ध कोना ईभीकै जस्तो हुनेछ । यसले १३८ एचपी पावर र २५५ एनएम टर्क जेनेरेट गर्छ ।

आगामी सन् २०२४ को मध्य भन्दा पछि हुन्डाई क्रेटा ईभी सार्वजनिक हुने अनुमान गरिएको छ । यसको मूल्य भने सन् २०२५ मा मात्र सार्वजनिक हुन सक्छ ।

बजारमा उपलब्ध भएमा हुन्डाई क्रेटा ईभीले एमजी जेडएस ईभी र मारुती ईभीएक्ससँग प्रतिस्पर्धा गर्नेछ ।