हुन्डाई क्रेटा बन्यो सन् २०२१ मा भारतको सबैभन्दा बढी निर्यातकर्ता

हुन्डाई मोटर इन्डिया लिमिटेडले भारतको पहिलो स्मार्ट मोबिलिटी सोलुसन प्रोभाइडर र सबैभन्दा ठूलो निर्यातकर्ताको उपाधि प्राप्त गरेको छ । कम्पनीले सन् २०२१ मा क्रेटा एसयूभीको कुल ३२ हजार ७९९ युनिट निर्यात गरेको छ ।

यो भन्दा पहिले कम्पनीले सन् २०२० मा कुल २५ हजार ९ सय ९५ युनिट क्रेटा निर्यात गरेको थियो । वास्तवमा हुन्डाई मोटर इन्डिया लिमिटेडले २०२१ मा कुल ४२ हजार २३८ एसयूभी निर्यात गरेको छ, जसमा हुन्डाई भेन्यु ७ हजार ६९८ युनिट र क्रेटा ग्रान्ड १ हजार ७४१ युनिट समावेश छन् । सन् २०२१ मा भारतीय बजारमा पनि क्रेटा सबैभन्दा बढी बिक्री हुने एसयूभी बनेको छ ।

हुन्डाई मोटर इन्डिया लिमिटेडका प्रबन्ध निर्देशक तथा सीईओ उन सु किमले क्रेटा विदेशी बजारमा सबैभन्दा बढी रुचाइएको एसयूभी ब्रान्ड हुनुका साथै भारतबाट निर्यात हुने सबैभन्दा ठुलो एसयूभी भएको बताए ।

हुन्डाई इन्डियाको इन्डियन प्लान्टद्वारा उत्पादित कारहरू युरोप, उत्तर अमेरिका, दक्षिण अमेरिका, एसिया, अफ्रिका र अष्ट्रेलियालगायत ६ महादेशमा रहेका विश्वका १०० भन्दा बढी देशहरूमा निर्यात गरिन्छ । हुन्डाईले २०२१ मा भारतबाट कुल १ लाख ३० हजार ३८० युनिट निर्यात गरेको छ, जुन २०२० मा निर्यात भएको ९८ हजार ९०० युनिटको तुलनामा ३१.८ प्रतिशतले वृद्धि भएको छ ।