ठूलो ह्विलबेस, बढी माइलेज र दमदार इन्जिन सहित हुन्डाई अल्काजार सार्वजनिक

दक्षिण कोरियाली अटोमोबाइल कम्पनी हुन्डाईको लेटेस्ट एसयूभी अल्काजारको तस्बिर र विस्तृत विवरण सार्वजनिक गरिएको छ । थ्री रो एसयूभीको रुपमा उपलब्ध सो एसयूभी ६ र ७ सिटर हुनेछ ।

क्रेटामा आधारित सो एसयूभी २ इन्जिन विकल्पको साथमा प्रस्तुत गरिएको छ । यसमा पहिलो तेस्रो जेनेरेसनको एनयू २ लिटर पेट्रोल इन्जिन र दोस्रो यू२ १.२ लिटर इन्जिन समावेश रहेको छ । यसमा पेट्रोल इन्जिनले १५९ पीएस पावर र १९१ एनएमको टर्क जेनेरेट गर्छ भने डिजेल इन्जिनले ११५ पीएस पावर र २५० एनएमको टर्क जेनेरेट गर्छ ।

सो एसयूभीमा ६ स्पिड म्यानुअल वा ६ स्पिड अटोमेटिक गियरबक्सको विकल्प हुने सम्भावना रहेको छ । हुन्डाईले ६ स्पिड अटोमेटिक युनिट सुपर फ्ल्याट टर्क कन्भर्टरको कारण उत्कृष्ट परफर्मेन्स र बढी माइलेज दिने दावी गरेको छ । किनकी यसले एक्सिलरेसनको समयमा फ्युलको नोक्सानीलाई कम गर्छ ।

अल्काजारमा ३ ड्राइभ मोड इको, सिटी र स्पोर्ट रहेको छ । कम्पनीले हालसम्म सो एसयूभीमा हुने फिचरको बारेमा आधिकारिक जानकारी दिएको छैन । यद्यपि सो कारमा ठूलो इन्फोटेनमेन्ट स्क्रिन, वायरलेस चार्जिङ, एयर प्युरीफायर र अन्य फिचर हुने अनुमान गरिएको छ ।

सो कार ६ र ७ सिटर कन्फिगरेसनको साथमा पेश गरिनेछ । सो कार यो सेगमेन्टमा ठूलो ह्विलबेस भएको कार हुनेछ, जुन २७६० एमएम हुनेछ । ठूलो ह्विलबेसको कारणले गर्दा मध्य र अन्तिम पंक्तिमा यात्रीहरुको लागि बढी स्पेस उपलब्ध हुनेछ । यसको मध्य पंक्तिमा कन्सोल आर्मरेस्ट र स्लाइडिङ सिट उपलब्ध हुनेछ ।

सो एसयूभी चाँडै नै लन्च गरिने सम्भावना रहेको छ । सो एसयूभी विशेषगरी भारतीय बजारको लागि तयार गरिएको हो । भारतमा लन्चिङ पछि सो एसयूभी अन्य देशमा पनि निर्यात गरिनेछ ।