कतार विश्वकपलाई इभीमय बनाउने हुन्डाईको योजना

हुन्डाईले कतारमा हुन गैरहेको आगामी विश्वकपमा आधिकारिक सवारी साधनको ५० प्रतिशत विद्युतीकरण गर्ने लक्ष्य राखेको छ । विश्वकपका लागि उसले उपलब्ध गराउने ४४६ यात्रु वाहक गाडीमध्ये आधाभन्दा बढी पूर्णतया विद्युतीय वा हाइब्रिड बनाउन लागेको हो । उक्त कार्यक्रमलाई इभीमय बनाउनु आफ्नो प्रमुख लक्ष्य रहेको कम्पनीले जनाएको छ ।

उक्त प्रतियोगितामा हुन्डाइले १० वटा इलेक सिटी इलेक्ट्रिक वस र अन्य थुप्रै संख्यामा सोनाटा, टुसान र कोना हाइव्रिड कारलाई समेत प्रयोगमा ल्याउनेछ । यसको अतिरिक्त आयोनिक ५ समेत रहनेछ भने फिफाको वरिष्ठ पदाधिकारीका लागी जेनेसिस जी८० र जिभी ७० इभी जस्ता विलासी कार समेत तयार पार्ने कम्पनीले योजना वनाएको छ ।

यो सबै सम्भव बनाउन कठिन भएपनि यथार्थमा उतार्न हुन्डाईले एक समर्पित संस्था बनाउने तयारी गरिरहेको जनाइएको छ । यी कारलाई चार्ज गर्न फिफाले १०० देखी १५० किलोवाट आवर क्षमताको चार्जर कार्यक्रम स्थालको पार्किङमा जडान गरिदिने बताएको छ ।

विश्वकप फुटवल आगामी नोभेम्वर २० देखी डिसेम्वर १८ सम्म कतारमा हुन गैरहेको छ । उक्त प्रतियोगितामा बिभिन्न अटोमोवाइल कम्पनीहरुले सहकार्य गरेका छन् । जसमध्ये हुन्डाई प्रमुख हिस्सेदारका रुपमा रहेको छ ।