अटो एक्सपो २०२३ : यी ५ व्राण्डले देखाए हाइड्रोन सेलबाट चल्ने गाडी

भारतको नयाँ दिल्लीस्थित ग्रेटर नोयडामा जारी अटो एक्सपो २०२३ मा दर्जनौ सवारी उत्पादकले सहभागिता जनाएका छन् । एक्सपोमा विभिन्न व्राण्डले कम्वस्चन इन्जिन, इलेक्ट्रिक, हाइव्रिड र हाइड्रोजन सेलबाट चल्ने सवारी साधनलाई उच्च महत्वका साथ प्रदर्शनीमा राखेका छन् ।

यसपटकको एक्सपोमा ग्रिन इनर्जीमा आधारित इलेक्ट्रिक कार र वाइकले एक्सपो अवलोकनकर्ताको ध्यान आकृष्ट गरिरहेको छ । यो एक्सपोमा हुन्डाई, टाटा, सुजुकी, टोयोटा, विवाइडी, एमजी, किया र विएमडब्लू लगायत ब्राण्डले इलेक्ट्रिक कारलाई प्रदर्शनीमा राखेका छन् भने यी मध्ये केही व्राण्डले भविषयमा सार्वजनिक हुने तयारी भइरहेका इभीको कन्सेप्टवारे जानकारी समेत दिइरहेका छन् ।

एक्सपोमा टोयोटा, हुन्डाई र एमजीले हाइड्रोजन सेलाबाट चल्ने प्यासेन्जर कारलाई प्रदर्शनीमा राखेका छन् भने टाटा र आइसरले यो प्रविधीमा आधारित कमर्सियल भेइकललाई देखाएको छ । टोयोटाले हाइड्रोजन सेलबाट चल्ने मिराईलाई शोकेस गर्दा एमजीले यूनिक ७ एमपिभीलाई सोकेश गरिरहेको छ । यसैगरी कोरियन अटो निर्माता हुन्डाइले हाईड्रोजन सेलबाट चल्ने नेक्सो एसयूभीलाई प्रदर्शन गरेको छ ।

टाटा र आइसरले भने यो प्रविधीमा आधातिर कमर्सियल भेइकललाई देखाएका छन् । टाटा मोटर्सले प्राइमा सहित अर्को ट्रकलाई हाइड्रोजन सेलबाट चल्ने मोडलमा उतारेको छ भने भल्भो आइसरले पनि आफ्नो ट्रकको प्रोटोटाइप प्रदर्शन गरेको छ ।